Read Karbi NEHEMIAH 11 Bible Online

NEHEMIAH 11 - Karbi bible

NEHEMIAH 11

¹Jalin atum Jerusalem dolo, lapen rat atum angbong donkep pen edon rongsopi kangthir along kedoji aphan khadot pathulo, lapen kaprek an ke along kaprek arong mate arongsopi-heihei alongsi donang-lo.

²Aning keme pen Jerusalem dopo pu atum an aphan rat atum rohurlo.

³Akaprek arong-heihei lapen rongsopi-heihei Israel arat, kurusar atum, Levi atum, Kardomhem klembang atum, lapen Solomon aban aro atum amethang arong amethang akhi pensi donang-lo. La aber ketok Judah alongri Jeru-salem along kedo ne det-asor atum amen dolo:

⁴Uzziah asopo lapen Jekaariah asu, Athaiah. Alangli phusar atum Amariah, Shepatiah, lapen Maahalalel, Judah asopo Perez aro, parloponlo.

⁵Baruk asopo lapen Kolhozeh asupo, Maaseaiah. La aphusar atum Hazaiah, Adaiah, Joiarib, lapen Jekaariah, Judah asopo Shelah aphanta parlo ponlo.

⁶Perez aro pen bang 468 ne-ne amonit atum Jerusalem dolo.

⁷Mashullam asopo lapen Joed asupo Sallu. La akaprek aphusar atum Pedaiah, Kolaiah, Maaseaiah, Ithiel, lapen Jeshaiah parlo ponlo.

⁸Gabbai lapen Sallai, Sallu adon-arap . Do-an bang 928 a-Benjamin aso Jerusalem along dolo.

⁹Joel, Zikri asopo si ajalin lapen Hassenuah asopo Judah ke adun rongsopi a-saihemphu lo.

¹⁰Joiarib asopo Jedaiah lapen Jachin.

¹¹Hilkiah asopo lapen Mashullam asupo Seraiah. La aphusar atum Zadok, Meraioth, lapen Ahitub kurusar aphanta aro parlo ponlo.

¹²Do-an bang 822 abangphu atum laso aro pen Kardomhem along ingduk lo. Adaiah lake Jeroham asopo lapen Pelaliah asupo. La aphusar atum Amzi, Jekaariah, Pashhur lapen Malkijah aphan parlo ponlo.

¹³Do-an bang 242 abangphu bangso aso ahemtun ajalin atum. Amashsai, la Azarel asopo lapen Ahzai asupo. La aphusar atum Meshillemoth lapen Immer aphan parlo ponlo.

¹⁴Hadak 128 abangphu laso aro pen ne ahemtun ron aso dolo. Halatum ajalin ke Zabdiel, inut ajalin ahemtun abangphulo.

¹⁵Hasshub asopo lapen Azrikam asupo Shemaiah. La aphusar atum Hashabiah lapen Bunni aphan parlo ponlo.

¹⁶Shabbethai lapen Jozabad anong thedung a-Levi atum Kardomhem angtan akam ahemphulo.

¹⁷Mika asopo lapen Zabdi asupo Mattaniah inut Asaph aso. La Kardomhem lunse asong kardom lapen kechoro kelun keja abang-lo. Bakbukiah ke Mattaniah arapbang-lo. Abda lake Shammua asopo lapen Galal asupo lo, inut Jeduthun aro.

¹⁸Do-an bang 284 a-Levi atum Jerusalem rongsopi kangthir along dolo.

¹⁹Akub, Talmon, lapen halatum adon-arap, bang 172 an.

²⁰Israel arat ahin an lapen ahin akurusar atum lapen a-Levi atum Judah alongri akaprek kaprek arong-heihei, arongsopi-heihei along halatum amethang-methang akhi pensi chedolo.

²¹Ophel pu Jerusalem ebeng along Kardomhem klembang atum dolo lapen Ziha lapen Gishpa abersi kam klemlo.

²²Levi kam langbang Bani asopo lapen Hashbiah asupo, Uzzi, la Jerusalem alongsi dolo. La aphusar atum Mattaniah lapen Mika, la Asaph aro pen lo, laso aso Kardomhem ardom karcho apor kelun nangji atum lo.

²³Arnivang Kardomhem along kopusonsi laso aro lun chari nangjima, Recho aron do.

²⁴Meshezabel asopo Pethahiah, Zerah aro pen lapen Judah akhi, Parsi akut along Israel arat pen aketoi dunlo.

²⁵Ongdung arat atum amethang ahidi-heihei adungsi chedolo. Judah akhei atum Kiriath Arba, Dibon, lapen Jekabzeel lapen lahei arongsopi adung-arei arong-heihei alongsi dolo.

²⁶Lapen halatum Jeshua, Moladah, Bethpelet,

²⁷lapen Hazarshual, lapen Beersheba arongsopi adung-arei arong alongta do.

²⁸Halatum Ziklag, Mekonah arongsopi lapen la arong-heihei,

²⁹Enrimmon along, Zorah along, Jarmuth along,

³⁰Zanoah along, Adullam along, lapen lahei adung-arei arong along dolo. Halatum Lakish along lapen adung ahidi along lapen Azekah lapen la arong-heihei alongta dolo. Lasi pulo, Judah arat ke Beersheba nitur alongri anat pen Hinnom-Nirep arlok angbongsi do.

³¹Benjamin akhei ke Geba, Mik, Ash, Ai, Bethel, lapen adung-arei-hei-heisi dolo.

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboim, Neballat,

³⁵Lod, lapen Ono, lapen bipan klembang atum arlok anta dolo.

³⁶Ajehak a-Levi asongatum Judah alongri alongsi dolo lapen Benjamin akhei anat pen padorap-rap lo.