Read Karbi NEHEMIAH 3 Bible Online

NEHEMIAH 3 - Karbi bible

NEHEMIAH 3

¹Lasonsi rongsopi arpong kimthulo Kurusar Eliashib lapen alangliri asangho kurusar atum Biresak Anghap kimthulo, lapen la pangthir-et-lo, lapen anghap-heihei aphrang adimthot bilo. Halatum Pharo ahemchardon lapen Hananel ahemchardon anta pangthir-et-lo.

²Jeriko amonit atum adunthu angdengsi kimlo. Imri asopo Zakur adun angdengsi kimlo.

³Hassenah aro Lang-ok Anghap kimlo. Halatum ajakan-heihei lapen anghap-heihei adimthotsi padolo, lapen inghap kangkirji asak-thepo-heihei lapen abarlon-heihei bilo.

⁴Uriah asopo Meremoth lapen Hakkos, asupo, adun angdeng kimlo. Berekiah asopo Meshullam lapen Meshezabel asupo atum adun angdeng kimlo.

⁵Tekoa amonit atum adun angdeng kimlo, bonta kamkelang atum kopisi halatum aphan kepaklemtoi kechepaduk akam rongsopi keja atum keklemji molo.

⁶Paseah asopo Joiada lapen Besodeiah asopo Meshullam, Jeshanah Anghap kimthulo. Halatum ajarbop-heihei lapen anghap-heihei adimthotsi bilo, lapen inghap kangkirji aphan asak-thepo-heihei lapen abarlon-heihei bilo.

⁷Gibeon pen Melatiah, Meronoth pen Jadon lapen Gilbeon lapen Mizpah amonit atum Nichi a-Euphratis a-Govornor ahem dairai an adung angdeng kimlo.

⁸Harhaiah asopo Uzziel, la inut ser pachorbang, adung angdeng kimlo. Hananiah jangthunemso pinchong-bang, Arpan keding arpong an adung angdeng kimlo.

⁹Hur asopo Rephaiah, Jerusalem ebeng anglong pangribang, adun angdeng kimlo.

¹⁰Harumapha asopo Jedaiah amethang ahem adung an angdeng kimlo. Hashabneiah asopo Hattush, adun angdeng kimlo.

¹¹Harim asopo Malkijah lapen Pahath Moab asopo banghini atum pherang pu ahemchardon anta kimlo.

¹²Hallohesh asopo Shallum, Jerusalem ebeng anglong pangribang adung angdeng an kimlo. (Alangli sopi atum kekim akam rap dunlo.)

¹³Hanun lapen Zanoah arongsopi kedo atum Arlo Anghap kimthulo. Halatum anghap-heihei adimthotsi bilo, asak-thepo-heihei lapen inghap kangkirji aphan abarlon bilo, lapen Phelo-abui Anghap an ingrup 1000 rangthulo.

¹⁴Rekab asopo Malkijah, Beth Hakerem anglong pangribang, Phelo-abui Anghap kimthulo. Alangli inghap-heihei adimthotsi bilo, lapen abarlon-heihei inghap kangkirji aphan bilo.

¹⁵Kolhozeh asopo Shallum, Mizpah anglong pangribang lang-amek Anghap kimthulo. Alangli asarnung dip-lo, adimthotsi anghap-heiheita bilo lapen asak-thepo-heihei lapen barlon-heihei bilo. Shelah Alangteng along alangli Recho aberi adung arpong an ha David arongsopi kedam adongkam an kimlo.

¹⁶Azbuk asopo Nehemiah, Bethzur anglong ebeng pangribang, adun angdeng David athiri, alangteng nokbe ahem-heihei anta kimlo.

¹⁷Aber a-Levi atum helo arpong adung angdeng-heihei kimthulo: Bani asopo Rehum adung angdeng si kimthulo; Hashabiah, Keilah anglong ebeng pangribang, amethang anglong apharman angdeng kimdet-lo.

¹⁸Henadad asopo Bavvai, Keilah anglong kaprek abeng anglong pangri-bang, adun angdeng kimlo;

¹⁹Jeshua asopo Ezer, Mizpah pangribang, arpong ano chirnok apuru angno adung angdeng si kimlo;

²⁰Zabbai asopo Baruk, kurusarpo Eliashib ahem kedam atovar an adun angdeng kimlo.

²¹Uriah asopo lapen Hakhoz asupo Meremoth atum Eliashib ahem an adung angdeng kimlo.

²²Aber akurusar atum helo arpong adung angdeng-heihei kimthu lo: Jerusalem adung arei akurusar atum adung angdeng kimlo;

²³Benjamin lapen Hasshub, latum ahem adung angdeng kimlo; Maaseiah asopo lapen Ananiah asopo Azariah alang methang ahem athengno angdeng si kimlo.

²⁴Henadad asopo Binnui, Azariah ahem pen arpong ano angdeng kimlo.

²⁵Palal arpong ano pen cheng-lok Recho Angsong ahemchardon, recho angphun-raibang atikup adung adun angdeng kimlo.

²⁶Parosh asopo Bedaiah, Nihang anat Lang Anghap lapen Kardom-hemthepi kerai ahemchardon adung adun angdeng kimlo. (Ophel pu arongsopi ebeng adung, hadak Kardomhemthepi kamklem atum kedo adim.)

²⁷Tekoa amonit atum adun angdeng kimlo, halatum hini angdeng abang Kardomhemthepi kerai ahem-chardon-thepo angden ha Ophel anat arpong anta kimlo.

²⁸Esong akurusar atum Losei Anghap pen amethang ahem athengnotin adun angdeng kimrep-lo.

²⁹Immer asopo Zadok, amethang ahem athengno adun angdengsi alangli kimlo. Shekaniah asopo Shemaiah, Nihang Anghap honbang adun angdeng kimlo.

³⁰Shelemiah asopo Hananiah lapen Hanun, la Zalaph asopo kebi adakvam throk abang, halatum adun angdeng kimlo. Berekiah asopo Meshullam ahemthengno adun angdeng kimlo.

³¹Malkijah inut serpachorbang, adun angdeng kardomhem kekim atum lapen beha keklem atum, la rong-aso pangrum Anghap akung, Nirep-nihang a-arpong ano angsong angdeng kimlo.

³²Ser-pachor atum lapen Beha keklem atum kejutsi angdeng ano angdeng pen ha Biresak Anghap an kimlo.