Read Karbi ESTHER 5 Bible Online

ESTHER 5 - Karbi bible

ESTHER 5

¹Nithom arni rechopi ape chingthangsi Esther rechohem arlo atikup recho anghoi angdenchitsi arjap-lo.

²Lapen Esther rechopi aphan recho ke tikup karjap thek-long-lo, lapen alangli pen Esther kangjinso long-lo, lapen recho methang arideng kedo ser achinso Esther anat otdong-lo. Ansi Esther pateboksi chinso angchun ot-lo.

³Lapen recho alangliphan arjulo, “Kopilo Esther rechopi? Nang kopisi kehangpo? Nangphan ne det achitim anta nangpi detji.”

⁴Lapen Esther thak-lo, “Jongsi la recho aningdok pulote ne alangliphan kesiktang akecho-kejun along recho lapen Haman pini pavangnang.”

⁵Ansi recho pulo, “Esther aning kehang ateng ili keklemji aphan Haman pavang seraknon.” Lasi recho lapen Haman atum Esther kesiktang kecho-kejun along vang-lo.

⁶Lapen halatum hor junbom ahut recho Esther aphan pulo, “Nangning kehang kopi? La ne nangpidetpo, lapen nang kopisi choningrijima? Ne det achitim seta nangpi detji.”

⁷Ansi Esther thaksi pulo, “Nening kehang lapen ne kechoningri alam lahelo,

⁸ne jongsi recho pen kangjinso long-lo lapen recho jongsi nening kehang ason kepaplengji lapen ne kechoningri alam keklemji aning dok pulote recho lapen Haman ne kesikjilang akecho-kejun along pavang nang lapen penap ne recho keputang alam atengsi klempo.”

⁹Lapen Haman halabangso arni chehoksi aning arong pen nangbarlo. Bonta Haman, ke Mordekai aphan recho anghap along thekthulong-lo seta Mordekai alangli ingno thurthe lapen a-okta klemhurhe apot Haman aning kethi pen plengset-lo.

¹⁰Tebonseta Haman aning chebersi ahem chevoilo lapen ajirpo atum pen apiso Zeresh aphanta chehang-lo.

¹¹Lapen Haman halatum aphan amethang akhi ahir-asang lapen asomar aphai lapen recho alangliphan akam kethe kebat pen man kepi lapen kosonsi recho alangliphan rechoso atum an lapen ban atum apar pathemuchot-lo pu bangso alam an than pet-lo.

¹²Lapen ke Haman pulo, “Esther rechopi seta alangli kesiktang kecho-kejun along recho pen nepar badu amonit aphanta pavang longledet-lo, lapen penapta recho pen nephansi alangli phachot-lo.

¹³Tebonseta recho anghap amahang kedo hala Judia Mordekai abang kangnibom thek-long tik an, lahei do seta nephan thangta kali.”

¹⁴Ansi alangli jirpo lapen apiso Zeresh ta alangliphan pulo, “Ingrup 50 akangtui kokthat kepi-i athengpi selamra labangso athak adapprang Mordekai aphan kokthat kepijile recho aphan punon. Anle recho pen pen ning cheparong-ra kecho kejun along dunnon.” Lapen Haman bangso alam aning dok-olo, lapen kokthat kepi-i athengpi paselamlo.