Read Karbi KEBAR 38 Bible Online

KEBAR 38 - Karbi bible

KEBAR 38

¹Kephrin athok aphan mirjove athengpi pen alangli adovan selamlo. La atok-phli, keding ingrup pho lapen arpan ingrup pho, lapen la kangtui ingrup kethom.

²Athaksi anu phli alongsi alangli la anu selamlo, anke la dovan penpen angkleng isinatpo. La kedo-an tam pensi alangli topthip-lo.

³Dovan aphan kenang an kadokave ajohton alangli selampet-lo; thek-lo aton, bevuk, harlung, avek lapen methek aharlung-heihei. Lahei ajohton an alangli tam angchin pensi selamlo.

⁴Alangli tam apaivokak selamsi la dovan adang aber bilo, anke la dovan ebeng an ledampo.

⁵Kepon-i a-arnan hongphli alangli selamlo, lapen lahei atok-phli along bilo.

⁶Mirjove athengpi alangli kepon-i abarlon-heihei selamlo, lahei tam pensi top-lo.

⁷Lapen dovan pupu anat arnan-heihei along kroilo. Dovan ke kapat pen selamsi arlo pangkovang-lo.

⁸Tam aphumang alangli selamlo, lapen HEMPHU kedo a-Pehem ajakan along kangduk a-arloso atum aloji-heihei pen la tam akeng-ri selamlo.

⁹HEMPHU kedo a-Pehem aphan alangli pe-kanglit kebeng ape pen atikup selamlo. Nitur anat kebeng ape keding ingrup 88, lapen

¹⁰tam anujok hong ingkoisi archak-lo, lapen tam aklong aden ingkoi aber dolo, avek-heihei lapen apanpota rup pensi selamlo.

¹¹Nirep anat ta kebeng ape ateng isinatsi selamlo.

¹²Nichi anat kebeng ape keding ingrup 44 lapen nujok hongkep lapen aden kep dolo, lapen avek-heihei, apanpo-heiheita rup pensi keselam.

¹³Nihang anatta kelut anghap kedo adim, kebeng ape arpan ingrup 44 dolo.

¹⁴Ahintin anat kelut anghap dolo, kebeng ape ingrup krepho lapen anujok hongthom lapen aden kethom.

¹⁵Lason thak-thaksi ahintin anghap, hilo-lo kebeng ape ingrup krepho, anujok hongthom lapen aden kethom dolo.

¹⁶Tikup komchen kebeng ape pe-kanglit pensi selamlo.

¹⁷Nujok aden-heihei tam angchin pensi selamlo, lapen avek-heihei, apanpo-heihei lapen athaksi anujok-heihei rup pensi top-lo. Tikup anujok an rup apanpo pen chechulok-lo.

¹⁸Tikup ajakan kebeng ape ke akelu, hepi arong lapen ke-ersip a-ul ape kanglit pensi selamlo lapen keroi asim pen alon pilo. La keding ingrup krenerkep lapen kangtui ingrup phli, tikup kebeng ape ason.

¹⁹La aphan nujok hongphli lapen aden phli pensi parchak-lo. Lahei avek, athak kedip aphan, apanpo-heihei rup pensi selamlo.

²⁰Pehem aphan akurdang-heihei lapen kekomchen kebengji aphan akurdang-heihei tam pensi selamlo.

²¹HEMPHU kedo a-Pehem aphan ke-en atasam alin ketok lahelo, ladaksi hukum kep ketok alongplang hinita bilo. Aphi ke Moses si hukum pilo, lapen keselam ke Aaron kurusar asopo Ithamar kepinkhat ateng pen kam keklem a-Levi atum amen lahelo:

²²Uri asopo lapen Hur asupo, Bezalel, lake Judah akhei penlo, HEMPHU hukum kepi an amar keselam abang-lo.

²³La kerapdun atum, Oholiab lake Dan akhei pen Ahisamakh asopolo, kehi akam, arjan ketok abang lapen lutu, hepi arong lapen ke-ersip a-ul ape kanglit kethak abang-lo.

²⁴Kangthir a-pehem aphan HEMPHU along kehodaitang an aser lin suri isi do, lake halaso ahut kedobom alin ateng-lo.

²⁵Rat pen kelong rup alin ke lin 3, 430 lata halaso ahut kedobom alin ateng-lo.

²⁶Laso aphai ke amen kechethaptang atum kepi aphai pen ateng chingbarchit-lo, abangphutin akenang ateng pipet-lo, alin halaso ahut kedobom achakri alin ateng-lo. Kadokave pinso bang 603,550 ningkan ingkoi arta lapen sosechot arta amen kechethap along chethap-lo.

²⁷Rup ke lin 3, 430 lake kangthir a-pehem aphan ke-en ateng-ri pharo isi aphan lapen kebeng ape aphan endet-lo, ateng-ri tin lin 34 enlo.

²⁸Lin 30 arup ahin abang ke apanpo, anujok avek-heihei halahei athak adip aphan Bezalel selam-idet-lo.

²⁹HEMPHU aphan kehodaitang atam lin 2, 425 an dolo.

³⁰La pensi HEMPHU kedo a-pehem kelut anghap aphan alangli aklong tam adovan la paivokak lapen dovan ajoton-heihei kedo-an selamlo,

³¹tikup komchen aklong aphan lapen tikup amangho aphan lapen pehem aphan akurdang kedo an lapen komchen atikup aphan selam-ilo.