Read Karbi JOB 11 Bible Online

JOB 11 - Karbi bible

JOB 11

¹Lahei amo-kevangve alam kethakji abang ave ma?

²Inut amonit alam pa-ong-rui tong kechokpet ma?

³Job, netum lahei alam nangthak dun thekthe putong nang kemathama? Nang kechongthui alam tong netum aphan angho kedip thipji puma?

⁴Nang kepu alingsi ahok pu nang chetinloma; Nangchetin lo, Arnam angno nang ingthir-et.

⁵Nangphan Arnam nang thak asonte netum ko-an akeme loma!

⁶Alang nangphan nangthan po bidi anat ko-an alep doloma. Monit agian aphan karnuk krung amar do-o lang. Nang kepho nangji ateng pen Arnam nangphan aduk kepi pa-ong-elo.

⁷Arnam ahoi lapen akethe ahoi lapen ajakong nang lang-rem loma?

⁸Arnam aphan sining ahoi ave bonta la nang kematha son apor si dolo. Pirthe akethi alam Arnam chini bonta nang la chinine.

⁹Arnam kethe ke pirthe arpan aphan thethulang, talo aphan ta angkang thelang.

¹⁰Arnam nangphan nangnep lote, lapen nang ingsai lote komatsi laphan kekhang un-po?

¹¹Arnam chini, komatsi amo-kevangve abangma, halatum kehingno keklem an la thekpet.

¹²Ingnam agadha kephi pen anem do lote kelu amonit seta kereset asonsi plangji.

¹³Job, nangning chepametha, la lote Arnam aphan chepho-unpo.

¹⁴Kehingno lapen nanghem pen kechokche chevarnon.

¹⁵Anke pirthe chedamthunon, mathathip-ra lapen nangthin chepathe non.

¹⁶Anke nangkesung kedo-an nang ning arlo pen avedet po, kedamtang alang thepi ason la chemathadam thuthe lo.

¹⁷Anerlo chitim an sose nangkai klar bompo, lapen nang kangting akai arni kevang ason turbongpo.

¹⁸Nang jokvan pen dolongpo lapen ningkethe plengset po; Arnam nang ingsaisi nangpasang longpo.

¹⁹Nang hotur aphan nang phereredet po, ongdung atum nangpen kerap chohang po.

²⁰Bonta ajat kelangno atum ke ningkeduksi longpo lapen kejokji atovar longle det-po. Halatum isi aning kethe ke kethi si vangpo, lahelo.