Read Karbi JOB 12 Bible Online

JOB 12 - Karbi bible

JOB 12

¹Kalang, nangtum rat aso lo.

²Nangtum thilote bidi ta nanglong thidun lot po.

³Bonta nangtum kemathathek asonthot neta mathathek-lang; neta nangtum pen kom-kelang; nangtum kepu alam an abangphutin ta chini pet.

⁴Nejirpo atum anta non nephan ingnek-lo, ne dhoromi lapen nedai ave seta latum ne-ingnek lo; bonta ahut isi ke ne kardom-heihei Arnam nethak-lo.

⁵Nangtum sungse, seta nangtum nephan chongthuilang; kekrep po abangphansi nangtum arbulo.

⁶Bonta kanghu atum lapen arnam kave atum pho-phe rengme, halatum a-arnam ke halatum ajakongchot seta.

⁷Vo atum lapen pi-atum seta nangtum aphan nangkethanji halatum do-olang;

⁸Kethip apirthe amar lapen talo, halatum abidi hangnon.

⁹Halatum kedo-an ta chini Arnam ari pensi halahei thip-lo.

¹⁰La Arnamsi la amar aphan parengtoilo; monit abangphutin ta la ajakong along si do.

¹¹Bonta nangtum ade asonsi kecho amar chomat-lo nangtum ano lam karju ning chepajang-lo.

¹²Arlengkesar atum abidi do, bonta Arnam ke bidi lapen jakong do.

¹³Arlengkesar atum acho-alam chini, Arnam ke acho alam lapen keklemji aphan jakong do.

¹⁴Arnam jongsi ingsek lote komatsi klemthuthekji, lapen komatsi monit aphan Arnam kebeng pen pajok poma?

¹⁵Longle lang ave po, Arnam arve pajangje lote; langthepi vangpo, la lang lote.

¹⁶Arnam ke ingtangrak lapen kaike ta haiver. Kechobeitang atum lapen kechobei abang ta Alangli rideng si do.

¹⁷La pangri-atum ajakong pondetsi jalin atum aphan kelu abang ason paklemlo.

¹⁸La recho atum aphan pasunsi halatum aphan beng-lo;

¹⁹la kurusar atum aphan lapen jakong kedo abangphan pabihek-lo.

²⁰Kechikiklong atum aphan la pado joilo, lapen arlengkesar amonit abidi pondet-lo.

²¹Jakong kedo abangphan la patherak-lo; lapen pangri-atum ajakong pajut det-lo.

²²Kangting kethi ason adim-heihei la kethe-ang toilo.

²³La det pangtang, pathelo, bonta latum aphan la paremlo, lapen pavirlo.

²⁴La halatum ajalin aphan kelu paplang-lo lapen latum aphan padamtapsi pamanghulo lapen pangbolo;

²⁵Latum kangting ajo pherelo lapen horkangri atum asonsi padamtap-lo.