Read Karbi JOB 13 Bible Online

JOB 13 - Karbi bible

JOB 13

¹Nangtum keningje alam an ne aphrang penta arjulong-lo.

²Ne lahei chini et-lo; nangtum kechini ason neta chinilo. Ne nangtum pen kavemuchot abang kali.

³Bonta ne lam kechedan ke Arnam pen, nangtum pen kali; Ne lam ke alang pen si chedanji.

⁴Kechobei pen nangtum kechenine dip-lo; nangtum ke badu aphanta kepame un-e adaktor atumlo.

⁵Thangta ningje-ri, lapen nangtum kereset abang pu ajehak atum nang pamatha nang!

⁶Ne lam kepaklang ahut arjunon.

⁷Kopisi nangtum pachobei loma? Nangtum kepachobei Arnam aphan ale dolo pu tong nangtum kemathama?

⁸Laphan nangtum keraiji-lang kebor-i ma? La alam kangsaihem along kechedamji aphan damji ma?

⁹Nangtum aphan Arnam nanglang pamelote nangtum along akeme ason la thek-longjima? Monit aphan kechobei asonthot Arnam aphanta pachobei unji tong nangtum mathama?

¹⁰Nangtum akematha chepatujoi seta la nangtum aphan ingchek-po,

¹¹lapen la ajakong pen nangtum aphan kephere pen paplengset po.

¹²Nangtum asarlamthe ke thek-lo ason thang ale ave; nangtum alamthama ke longle kechingthuphun ason.

¹³Dojoi ra nephan keningje apor nepitha, lapen la athe latum aninghang aling paplang lonang.

¹⁴Nekai achethe pi plangjima ne che-enlo.

¹⁵Ne kedo-an ningkethe ingbo-et-lo, jongsi Arnam nephan pathijite ne pathinang? Ne lamthe laphan ne jai-vekji.

¹⁶Ne ketengkai jongsi ne pajokpo te ne la klempo, pima kehingno atum Arnam keche-tong ji aphan haihe.

¹⁷Non nelamjir arjutha.

¹⁸Nelamjir kejaiji aphansi ne chesik-lo, pima ne chini ne chokpet.

¹⁹Arnam, nang nephan kebokjitong kevangma? Jongsi Kalang pulote, ne dojoipo lapen thipo.

²⁰Sonni alam ne arjulong; lahei along nangchedon duntha, lapen ne nang pen patuji bor-i-elo.

²¹Nephan aduk kepi ington non, lapen ningkethi pen nephan pangje ri.

²²O, Arnam ningje paphrangtha, lapen ne nang thak po. Kalite nephan paningje long non, lapen nang nethak non.

²³Ne pap-heihei kopi pi lo? Kopi akechokchesi ne keklemlo? Ne komat aphansi pran-karmut lo?

²⁴Kopisi nang nephan ne-o-loma? Kopisi nang nephan hotur ason lang-loma?

²⁵Nang nephan kepaphereji tong kebor-i ma? Ne thangta kali bonta thengpi arvo, nang sokpun kekreng ajeng aphan si ketengkheng-lo.

²⁶Nang kehodak adai si nephuthak van lo, ne riso ahut keklem apot jokta,

²⁷nang nekeng ingchin arri pen ingnang-lo; ne kengkam tin nang lang-lo, ne kengbot anta sat lang-lo.

²⁸Athe ke, thengpi kethu asonsi chebeng-lo lapen pe-choi kecho angki api asonlo.