Read Karbi JOB 14 Bible Online

JOB 14 - Karbi bible

JOB 14

¹Etum do anta ke-aini lapen kerap kelongle pensi mahang thek-lo. Kedo anta isivet kethihek, kesung akai si japonlo.

²Eli thebom lapen mir asonsi chekedu prap-pik; eli harchi asonsi avedet titi.

³Nang nephan nelangtha, Arnam, mate nephan asat langra, ne ingsai jima?

⁴Monit ason kangthirthe ason pen thang akangthir vang un-e.

⁵Kai achethe keding nangji aphrang pen la thik et-lo chiklo jon ko-an rengjima la lakha et-lo. Nang la pathik et, lapen la kaita lar un-e lo.

⁶Laphan langri non lapen inut-vet-le padonon, la akesung akai la aning pajang lonang la jongsi un lote.

⁷Kepitang athengpi arong aphan ning kethe do, la cherengthusi chingjokji.

⁸La angkur-heihei sar-o lo seta, lapen la apholong longle arlo thi seta,

⁹lang pen si la arongso athengpi ason chingjokji.

¹⁰Bonta inut amonit thilote, laphan la kejut lo; la thilot po, tangte la non konat?

¹¹Kelile alangroi ason, lapen kekrenghak alangbi ason,

¹²Monit thipo lapen thurthelo. Sining avedet seta latum amek prangprelo latum amekjang pen kaike seta thurthelo.

¹³Kethi atum apirthe along le nang nepatu asonte mesenji; nangning kethi hamhetik nephan pache-patu longtha, lapen nephan chemathathuji apor isi chebi non.

¹⁴Inut amonit thilote, la achethe cherengthu jilangma? Bonta ne akeme apor aphan chonghongji, non kesung apor jutje tik an inghongtha.

¹⁵Anke nang nehangpo, lapen ne nangthak po, lapen nangkepinchong amar nephan nang ning dok-po.

¹⁶Anke ne kengkamtin nang langcharipo, bonta nang nepap-heihei phurphelo.

¹⁷Lahei nang diya-et po lapen lahei bi kok po; ne keklem kechokche an nang paphrai et po.

¹⁸Inglong-heihei keru aporta nangle ji lapen arlongpi ta nang terek detji.

¹⁹Lang arlong-heihei koipo, lapen arvethepi longle oi-po; lasi nang amonit akai ning-ke-chethe pavir po.

²⁰Nang monit aphan haisi laphan kaike aphan toiphit po; la arje larsi thipo.

²¹La asomar atum man longle, bonta la chinine det lo. Latum aphan kepin-rem det-lo seta laphan pachinine det-lo.

²²La amethang a-ok lapen aning aduk kedo alamsi chechini chot.