Read Karbi JOB 16 Bible Online

JOB 16 - Karbi bible

JOB 16

¹Lason alam ne aphrang penta arjulong-lo;

²nangtum nangkepi ning kepangsam ke isi kechenek chot.

³Nangtum kaiketa lam ningje chot poma? Nangtum tong lam keningje pajut longvek nangji puma?

⁴Nangtum jongsi neson plang lote, lapen ne nangtum ason lote, nangtum kosonsi keningjema athetin neta ningje thekji. Ne ingphun chehijuk pamethekji, lapen nelamthe pen ajok nangtum aphan nangvung et ji.

⁵Nangtum aphan kepare pen pangtangji lapen lam thanbomsi nangning nangpangsamji apot-lo.

⁶Bonta ne jat-le ningje ta rap-re lo lapen kedojoi penle ne keso kemeji kali.

⁷Nang nephan paduk-khrup-lo, Arnam; nehemtun aphan nangsi pathi toi lo.

⁸Nang nephan nekompet lo, nang ne hotur lo. Ne arengchot lo lapen arrepi saidelo, lapen nerat atum la nedo apot pusi mathalo.

⁹Aningkethi pen Arnam nephan nebang nang ingsek-i lo; la kehijim pensi nephan nelang-lor lo.

¹⁰Rat-atum nephan anokan chebi lo; latum nedung chingsomsi nekecheng ardep-lo.

¹¹Arnam nephan kehingno amonit aridengsi nehodailo.

¹²Ne ningkangsam pensi dolang, bonta Arnam nechethok netumkak lo, lapen nephan ingbaisi ne berlam lo.

¹³Lapen ahin tin pen nephan thai aso ne-ap lo thai-aso ne-apchoksi amek padolo; la anta la nephan kangjinso paklangkle det lo.

¹⁴La aphan amek padothu lethot lo; la nephan inut aron-aso kehijim-ong pangchamjam si ketengkheng asonlo.

¹⁵Ne ningduksi pethoila pen keselam achoi chingchoilo, lapen ladak ne remdetsi longle aduk ajo chongnilo.

¹⁶Nemahang prungchopchetik ne chirulo; lapen nemek kanghupsi harchi pen pangkangchenlo,

¹⁷bonta thangnat kephangno apot nedo ave, lapen Arnam aphan ne ahokpetsi ardomlo.

¹⁸O pirthe, nephan kehingno keklem an patu ri! Ne kehang ahok-akangsai padojoiri!

¹⁹Sining angsong inut do nephan nekarjap piji lapen ne nat kedodunji.

²⁰Nejirpo ne ingtonjo lo; Arnam anat nemekri lilap-lo.

²¹Nepharman Arnam aphan kecho-ningri abang ne kenangsot, inut amonit ajirpo apharman kechoningri ason.

²²Ne arta dambomlo non, lapen kechevoivepin atovarsi ne dambomlo.