Read Karbi JOB 17 Bible Online

JOB 17 - Karbi bible

JOB 17

¹Nekai achethe kejut nangleji dok-dok lo; ne chethe vang un-eremlo; nephan jat ason ta avelo, bonta netipit anchot-lo.

²Nephan abangphutin ta kosonsi nechong-thui loma, ne ning ke-oi pensi cholang-lo.

³Ne ahokpet si kedo, Arnam. Nelam dengtha. Ne kepu alam baduta nangchedon dunde.

⁴Kemathathek ajakong halatum aning nang mathathip-lo.

⁵Aban asarlamthe lahelo, inut amonit tangka ajok ajirpo aphan pachobailo. Lapen la asomar la apot sung-lo, chechak nang-lo.

⁶Lapen non rat-atum laso asor lamthe nephansi pulo; latum vangsi nemahang ingthok-lo.

⁷Ne ning-keduk nephan paselok rong-lo; neri-nekeng-heihei harchi asonsi ing-ar phler lo.

⁸Athikpet pu kechepu atum thirikjok lo, lapen latum nephan arnamkave abang pusi hingno-nehok-lo.

⁹Man kedo pu kechepu atum ke halatum kengset pu chechini lo.

¹⁰Bonta latum jongsi kadokave vang pen ne ingno arjappet lote, ne halatum aphan inutbak ta kereset lo pu thek-longle.

¹¹Ne arni dambomlo, ne kemang-heihei chunchedet-lo; neningkethe avetang-lo.

¹²Bonta nejirpo atum pulo, ajo ke kethe-ang-lo; latum pulo, atur tebok het-lo, bonta ne chechini ne kangting ajo si do.

¹³Ne ningkechethe ke pirthe akethi helo, hadak ne tilai po kangting alongsi mekjangpo.

¹⁴Tipit aphan nepo pusi ne hangpo, lapen nephan kecho-angki aphanta ne pei ne ingjir atum pusi hangpo.

¹⁵Neningkethe konat lo? Mane thek-long ma?

¹⁶Ne kethitang apirthe ajo kedam ahut, ning kethe nelong nang dundelo.