Read Karbi JOB 19 Bible Online

JOB 19 - Karbi bible

JOB 19

²Nang kopi athesi lam pen nephan pasung-lo ma?

³Aphongtin ta nang nephan pinremlo, lapen nang nephan ne kepinrem ta therak thekthe det-lo.

⁴Ne kechokche klemlo seta, la kopisi nangphan nangchopholo?

⁵Nang mathalo; nephan mute nang memu, lapen ne kesung-heihei ke ne dai angthek lo pusi mathalo.

⁶La Arnamsi klemlo pu nang checharma? Nephan ne kenepjisi la pham tot-lo pu thek-long ma?

⁷La akephangno abe thursi ne khindelo, bonta baduta arjuje; baduta ahokpet akangsai aphan nekehang dam arjuje;

⁸Tovar Arnam rangkhachek-lo, lapen ne lutdam un-e lo; kangting ajo la netovar patujoi lo.

⁹La nekhi kedo-an pon-et-lo, lapen pavir-et-lo.

¹⁰La ahintin pen nephan theng-lo. Nening kechethe an la phur et-lo, lapen kepathi-khreiji lapen kepathi jisi ne-o bup-lo.

¹¹Arnam aningthilo lapen nephan ton-elo; la nephan kehingnonei ahotur asonsi lakha lo.

¹²Nephan ketengkhengjisi la aron-aso nangtoi lo, latum kurdong hutsi nepehem kompet-lo.

¹³Ne korte nephan Arnam pa-otoi lo;

¹⁴nephan kechini atum aphan ne bang-adet asor ason plang-lo; Nedon nerap lapen jirpo atum dam et-lo.

¹⁵Nehem alohi kevang atum, nephan tengne-et-lo; nehem keklem arloso atum nephan bang adet asor ason nelang-lo.

¹⁶Neban aphan hang-lote, la nethakthe lo, ne laphan neparapji chohang seta.

¹⁷Nechethe kevang angnim nepiso arjap un-e lapen ne korte apok ta nedung vangve.

¹⁸Osomar atum nephan langremlo, lapen nethek-long-lote ingnekchoi po.

¹⁹Kechephonei ajirpo atum ta kehijim amek pensi nephan lang-lo; kechinghonnei abang nebe chetevarsi thur lo.

²⁰Nereppi athak nereng setorlai lo; nekai achethe pen ne chepajok chetorok lo.

²¹Nangtum nejirpo lo! Ne ingjinso tha! Arnam ari pen nephan karbu padomver lo.

²²Arnam keklem ason kopisi nangtum nephan nechenek loma? Nephan nangtum dorphlup chenekne langma?

²³Nangtum inutbak nelam ning chebira loh tok-et asonte me-oji apot-lo!

²⁴Kalite nelam arlong along kehongsi ajohton pen lahei tok lote la kaike doverji .

²⁵Bonta ne chini sining pen inut abang vangsi padu nephan neraiji.

²⁶Nereng amek chodet seta laso abang pen ne Arnam thek longji.

²⁷Nemek hini pen ne laphan thek-longji lapen la nephan kechinine abang plangpledet po. Ne ingthin the haihe det-lo pima nang pulo,

²⁸“Kosonsi etum laphan chenek loma?” Nangtum nephan ketengkhengjisi angkrak cholangding-lo.

²⁹Bonta non, nokjir aphan pherenon, Rat aputhak Arnam aningkethi kevangji anokjir, ansi nangtum chinipo hadak inut kangsaibang do.