Read Karbi JOB 2 Bible Online

JOB 2 - Karbi bible

JOB 2

¹Sining asor arnisi HEMPHU angno kecheklangji apor nangkele ahut, halatum angbong Soitan ta dolo.

²HEMPHU laphan arjulo, “Nangkonat si kedamlo?” Soitan thak-lo, “ne ladak lapen hadak juisi pirthe adang helat-lo.”

³Nang neban Job aphan thek long ma? HEMPHU arjulo. “La asonthot akekroithip lapen akemesen amonit pirthe athak avelo. La nephan archolo lapen kehingno akam jat ta keklemkle detji si cherelo. Thang athe ave pin pen laphan ketengkhengji aphan nang nelong vang-lo bonta la kai ateng kroithipver.”

⁴Soitan thak-lo, “Kerengji aphan lok monit atum jat asonta o-et ji.

⁵Bonta non nangli la abang areng paso lote, la nangliphan ahirjuno hangpo!”

⁶Lasi Soitan aphan HEMPHU pulo, “Toh mesenlo, la nangrideng si do, bonta nang laphan pathiri.”

⁷Anke Soitan HEMPHU angno pen damlo, lapen Job abang bithe-bitha ingthum pavang-pak lo.

⁸Job damsi bun angsom athak ingnilo lapen phule kanghang achet pen angthum-heihei chephuk ilo.

⁹La apiso laphan pulo, “nang non anta aphrang ason kroithip bomlang, kalima? Kopisi nang Arnam aphan hirjuno hangra kethithe det ma?”

¹⁰Job thak-lo, “Nang mathapame pensi lam ningje nangji! Arnam akeme ason ephan ekepi ahut ili la chodeng-lo. La kesung ephan eketoi ahut kopu si ili khinde poma?” Jat ason akesung seta la chechak lo. Arnam abe kethur alam Job ningjeje det lo.

¹¹Job ajirpo bangkethom Eliphaz, la Teman arongsopi pen, Bildad, la Shuah adet pen, Lapen Zophar, la Naamah adet pen. Job ko-an akesung kechechak alam latum arjulongsi, latum la along damsi aning kepangsamji aphan chesik lo.

¹²Halatum tovar ajak nangkeleji tebok het-lo, latum Job aphan thek-long-lo, bonta laphan chinine det-lo. Latum aphi chini lo, lapen chiru-charbu pangchengsi aning aduk pen ape chingsek lo lapen angsong lapen aphu-athak longle-aduk chevarlo.

¹³Anke la adung latum bangkethom ta ingnidamlo lapen lam ethe ta ningjeje, jo throksi ni throksi an, pima la ko-an kesung chechaknang loma latum la thek-long-lo.