Read Karbi JOB 21 Bible Online

JOB 21 - Karbi bible

JOB 21

¹Ne kepu alam arjutha;

²lahei helo nangtum pen ne kehang akepangsam lo.

³Nephan lam paningje longtha, ne ningje det aphi nang nokan chebi tame; nangning hangte.

⁴Ne kechebohong lake kethitang amonit atum pen kali; ne kedojoije athe do.

⁵Nephan nelangtha. La nangtum alamthe jutkok nangji, kethirik nangji kedorphlup kalilangma?

⁶Ne kopi plang-loma kechomatha dam ahut ne nelamthe jut kok lo, lapen kephere ok klemhurlo.

⁷Kopi athesi Arnam kehingno amonit pareng langma, lapen pisi latum aphan pasarlongsi pachingthur longma?

⁸Latum asomar lapen asumar do, lapen latum kethe an chelang dunlong lang.

⁹Latum ahem-heihei Arnam kevir pavangve, latum kephere pen donangne.

¹⁰Kalang, latum achainong aso, lapen aso sungsepin pen aso philo.

¹¹Biresak aso ason atum asomar juilong-lo,

¹²lapen kumbeleng lapen pongsi-heihei pen lunlo, kanlo.

¹³Latum akai ingsamjin pen dolo lapen sungsepin pen thilongjoilo.

¹⁴Kehingno atum Arnam aphan latum kedolongjoiji aphan thanlo. Alangli halatum akai aphan aningkehang latum kechiniji aninghanghe.

¹⁵Arnam aphan kangdukji akenang avelo, pusi latum mathalo lapen alangliphan kardomji akenang avelo.

¹⁶Latum amethang ajakong pensi latum kam pachunlo pu chepulo, bonta halatum akematha Ne deng un-e.

¹⁷Kehingno amonit amelur kaike pametthipverma? Halahei angbong isi kevir phophema?

¹⁸Arnam kehingno abangphan aningkethi pen aduk pipema lapen sokpun tomon kejappon ason lahei pangjar-phitphema kalite tomonpi aduk kepangjar ason pondetdema?

¹⁹Nangtum chepulo, apo apap apotsi asopo inut aphan Arnam aduk kepilo. Kali! Papi aphanchot-le Arnam aduk papinang; Alangli la halatum apap apot klemlo pu pachininang.

²⁰Papi atum halatum aduk pachinghor-nang.

²¹Inut amonit akai jut-lote, la asomar atum rengmeme pu chelang-sthekjima?

²²Kangtui-heihei adim kedo atum aphan, kangsai abang Arnam aphan monit than unjima?

²³Ajehak amonit atum kethi anta a-ok mesen ingtangrak;

²⁴latum rengme lapen sungsepin pen thilong-lo, halatum abang-heihei pacholongpame.

²⁵Akaprek atum thangnatta kerengme longle latum reng-lo lapen aning keduk pensi thinang-lo.

²⁶Bonta kadokaveta thinang-lo lapen pip-lo; latum kedo-an ingthan pen si plengset.

²⁷Nangtum aning kehijimmeme akematha ne chinilo.

²⁸Nangtum arjulo, “Arlengkethe ahem konat-lo, non kehingno akam kecheseke abang?”

²⁹Kedamvoi atum pen nangtum chingkiki latum kevanthu alam nangtum chininema?

³⁰Arnam aningkethi lapen aduk kepi ahut, kehingno amonitsi kaita jok-longver.

³¹Kehingno amonit aphan kebokji abang baduta ave mate la keklemtang akam apot alar kehuiji abang ave.

³²La ketonpame athiri anat laphan kepon ahut,

³³suri suri atum kepipdam jalangdunji, lapen longle la athak klojoichotji.

³⁴Lapen nangtum! Nangtum mathathekthe-pin pen nephan ning pangsamjipu! Nangtum athetin akethekta kechobei saide!