Read Karbi JOB 23 Bible Online

JOB 23 - Karbi bible

JOB 23

¹Ne non anta Arnam abe thursi pasimu bomlang;

²ne kar-em dojoi thekthe det lo.

³Laphan kelong adim ne chini asonte mepikji apot lo, lapen la kodaksi kedo ma damthek asonte mepikji apot lo.

⁴La angno nelam ne jai po, lapen nehin pen kechedan alam an than po.

⁵La kopisi kepuji ma lapen kopisi nephan nethanji ma ne chini ingtung.

⁶Arnam ajakong kedo-an pen nebe thurjima? Kali, ne keningje alam la arjuji.

⁷Ne ahokpetsi do; ne Arnam pen lam chedan ji athe do; la nephan adai-ave pu pachethang po, ephong lapen kaike aphan.

⁸Nihang anat ne rilo, bonta Arnam hadak ave; nichi anat ne rilo seta hadak ta laphan thek-longle.

⁹Nirep lapen nitur anat Arnam kam klembomlo, hadak seta ne laphan thek-longle det lo.

¹⁰Jat seta ne keklem asontin Arnam chini; jongsi la nephan asat-heihei nelangte, la nephan ingthir etsi longji.

¹¹La kangvai atovar si ne kekroithip pen dunlo, lapen ar-vi ar-e anat suise det-lo.

¹²Arnam nepakhindeji ahukum an ne kaike klemlo; la aningkehang akamsi ne klemlo, neningkehang ateng kali.

¹³La kaita prekpre. Baduta laphan hili un-e mate aningkehang keklemji pen khang un-e.

¹⁴Nephan la kopisi kenang-loma, la paplengvekji; la akemang ke-ong ateng ongbom si do;

¹⁵la angno ne kephere pen ne-ok klemhurlo.

¹⁶Jakong kethenei Arnam ne-ingthin kethe pavirtang-lo.

¹⁷Kangting nephan paselok lo seta, la Arnam, kangtingle nephan paphere kali.