Read Karbi JOB 24 Bible Online

JOB 24 - Karbi bible

JOB 24

¹Kopisi Arnam kangsaiji arni isi pathikthe det-loma, laphan kangduk atum an aphan isi ahok-akangsai arni

²Longle kelong-o ji aphan monit-atum choi a-arlong terek-lo; latum biresak chonghu po, lapen amethang api ahur pen pangrumpet po.

³Jangreng atum agadha latum pondet po, lapen hemepi achainong alo bangpi apreng chetutetik endet po.

⁴Keduk atum kelongji a-ot pen latum khang-lo, lapen keboi atum aphan kepakat lapen kechepatu toijisi jakong pen klemlo.

⁵Lasi keduk atum, ingnam agadha asonlo, kekrengtai ajo an chorilo, asomar aphan latum nahokta an keripi longle det-lo.

⁶Bang ahidi si latum sok-rot nang-lo, kehingno atum adrakha aberisi drakha athe pangrum nang-lo.

⁷Ajo keche-um ape avepin pen latum amekjang-lo. Thangta kangsam pen chepajok un-e det-lo.

⁸Latum aphan inglongpi pen kat-lo arvesi inglum et-lo, lapen latum chepajokjisi longchong cherip lo.

⁹Apo kave a-osomar atum aphan kehingno atum ban enlo lapen preng alar keduk asomar aphan ponlo.

¹⁰Bonta keduk atum aphan kechepatangji ape avepin pen latum dun nang-lo; Sok kerot ahut thangta apok an thapthe pin pen latum dun nang-lo.

¹¹Latum jit ajangthu sorlo, lapen drakha athe ta sorlo, bonta latum methang ke kang-itsi dolo.

¹²Rongsopi-heihei along areng keso lapen kethipo pu atum kechiru hangcharbulo bonta halatum akardom-heihei Arnam arjujelo.

¹³Kethe-ang aphan kedengmo atum do; latum la chinine mate la konat ejaji ma dunthekthe.

¹⁴Adapprang pran-karmuit abang thurpo lapen keduk atum aphan pathi dampo lapen ajo la chonghupo.

¹⁵Beisapo kangtingrim cholangpo, baduta amahang kethek longle detjile la amahang pe chedip po.

¹⁶Ajo kanghu atum hem cheksi lutpo bonta anerlo latum chepatu si kethe-ang rirelo.

¹⁷Latum anerlo kethe-ang pherelo, bonta kangting latum aphan paphere un-e lo.

¹⁸Kehingno amonit aphan langthepi pon lo, lapen la chepahemphu alongle aputhak Arnam ahirjuno do; la amethang adrakha aberi along kam klem damde.

¹⁹Arnikeso lapen kekreng pen herai ingjir, lasonsi inut apapi kereng-long adet pen virlo.

²⁰Non laphan apei jokta chemathathelo, laphan ingthan chodet lo lapen kekrep athengpi asonsi virtang-lo.

²¹La plang-lo pima la hemepi aphan pinremlo, lapen aso-kave arloso aphan kangjinso paklangkle det lo.

²²Arnam ajakong pen kangtang aphan pavirlo; Arnam klemsi kehingno atum thinang-lo.

²³Laphan Arnam pareng-long pametahai; bonta ahut tinta laphan langverlo.

²⁴Malomso aphan kehingno atum chingthurlo, bonta la bap kethikhrai asonsi thi-lo, sok arvo kehingno asonlo.

²⁵La baduta ave pu unjima? Nelam ahok-he pu mane angthek paklang unjima?