Read Karbi JOB 26 Bible Online

JOB 26 - Karbi bible

JOB 26

¹Bai, nangtum nephan kerapthek ajirpo binong-lo.

²Keduk, kelangmeme abang lo ne!

³Nangtum kemesen nephan parelo, lapen nangtum akethek neson inut kelu abang pen chethanlo!

⁴Komat atumsi nangtum alam arjuji pu nangtum matha ma? Lason ningje nangji pu komatsi nang chorung-lo?

⁵Longle arlo lang along kethitang akarjong atum klemhurlo.

⁶Kethitang atum apirthe Arnam aphan ingpudang, lapen la angno thang achong ta la dip un-e.

⁷Nirep asining Arnam sang-lo lapen chak-lok athai avepin adim pirthe bilo.

⁸Arnamsi lang pen inghun papleng-lo lapen lahei ardi pen kangbop khang-lo.

⁹Chiklo kepleng inghun anungsi bilo.

¹⁰La kangting pen kethe-ang thak lo, isi angkang talo athak ketok pen ajok.

¹¹La kethir ahut sining archok-heihei latum hijuk lo lapen kephere pen klemhurlo.

¹²Talo aphan kehai un det ke la ajakong-lo; la asai pen ajok talo api Rahab aphan pavir lo.

¹³La achethe kevang pensi sining paklarlo, lapen ari pen kekat atalo api aphan pathilo.

¹⁴Bonta lahei ke la ajakong alam kecheng-chot-lang, Kethan palamso alamsi eli karju longchot lang. Arnam ahokpet pen ko-an theloma la komat chini un?