Read Karbi JOB 27 Bible Online

JOB 27 - Karbi bible

JOB 27

¹Ne kereng et jakongkethenei Arnam amen pensi semetang-lo,

²lasi nephan ahok akangsaiji molo lapen nekai paholo.

³Arnam nephan chethe nepipik,

⁴ne ingho pen ne kehingno alam ningjeje, nede pen ne kaita pachobaibe.

⁵Nangtum ahokpet pu ne nangpapu, ne kethi arni anta nedai pavepin aphan klembomji.

⁶Ne ahokpet si kedo pu ne kechepu che-o-e, Ne kephar ke klangdak.

⁷Nephan kekhamkhe atum an lapen nebe thursi kechedan atum an kehingno lapen ahokpet amonit atum ason aduk paphonang.

⁸Arnam achethe kehang ahut arnam kave abang aningkethe kopi dolo?

⁹Kesung kepho ahut Arnam halatum akechiru arjuji ma?

¹⁰La kepi ning-arong latum ar-i-nangji apot lo; latum laphan kaike ardomver nangji apot lo.

¹¹Arnam ajakong ko-an thema nangtum aphan ne nangthanjilang, lapen jakongkethenei Arnam kopisi kemang-loma nangthanjirlang.

¹²Bonta kali, jat seta nangtum methang chethek long-lo; lasi nangtum kopisi ason amovangve alam ningjelo?

¹³Lason helo Jakongthenei Arnam kehingno kephangno amonit atum aphan aduk kepi.

¹⁴Latum asopo ongdung tahai, bonta ron along kedo-an ta thi etpo, latum asomar dorphlup a-an cholongle detji.

¹⁵Kerenglang atum keso pen thipo, lapen latum ahemepi atum anta latum kethi chirure detji.

¹⁶Kehingno abang ongdung arup do tahai lapen kenangsot pen apar ape-ari dotahai;

¹⁷bonta ajehak mesen amonit atum laso ape endun longji lapen athikpet amonit atum arup longdunji.

¹⁸Sangman kecheparam asonsi kehingno abang hem-heihei chekimji mate rit kehon aban ason ahemso ason chekimji.

¹⁹Kejut ahut latum keplang aputhaksi i-kongji, bonta latum amek prang-lote latum akhi avedet lo pu chechini po.

²⁰Menmen kevang alangthepi asonsi kepherememe vangpo; ajo atomonpi latum aphan jappon det po.

²¹Nihang atomonpi latum aphan ahem-heihei pen pangjar chorpo;

²²Kangjinso avepin pen latum aphan latum un an chepajokji ahut jappon det po.

²³Latum kekat ahut tomon phlung dunpo, kevir ajakong pen latum aphan papherepo.