Read Karbi JOB 3 Bible Online

JOB 3 - Karbi bible

JOB 3

¹Padusi Job angho chingpusi lapen alang mahangkethek arni aputhak ahirjuno hang-lo.

²O Arnam, ne mahang kethek arni aputhak ahirjuno pitha;

³nephan chopathe ajo aputhak ahir juno pitha!

⁴Halabangso arni kangting paplangnang, Arnam Halabangso arni puthot ne ning pavangvenang. Laso aputhak puthot atur pavangvenang.

⁵La kedono arni lapen kangting-rim paplang lonang; la inghun pa-op-lu-nang lapen arni aphan pabin thip lonang.

⁶Ningkan angbong halaso ajo pave detnang lapen la puthot palakhakhedet nang;

⁷la aho-or kave, ningkedono ajo-paplangnang.

⁸Thek-kere aphan halaso a-arni aputhak pahirjunoji aphan thannon, ha talo apithepi kangthumthek atum.

⁹Klirdap atur paturlongle det nang halaso aningve aphan adak kethik aningkethe pavenang.

¹⁰Nephan mahang pathek-long apot halaso aningve pahirjunonang, Pima nephan kesung lapen ningduk paklang-lo.

¹¹Ne pei apok arlo, kethi-lotsi ne akemelo, lapen mahangthekdet pen kethi-lotsi akeme.

¹²Kopine nepei akengphu patongrui pen nephan ne-ot loma? Kopi-si bangpi nephan mok puchuloma?

¹³Halaso ahut ne thilot asonte, non ne sanglong pop-po,

¹⁴Hako arechohem kekimthu atum Recho-atum lapen kepangri atum ason mekjang longpo.

¹⁵Anke ahem-heihei ser, rup pen kepapleng-set arechoso ason mekjang longpo,

¹⁶mate mahangkethekmi a-oso amek kejang ason mekjang longpo.

¹⁷Tipit along kehingno amonit atum akam sangkok lo, lapen kelak akam klembang padu sanglong-lo.

¹⁸Kebenghet atum ningkangsam pen dolang, kehangser lapen sodak ahukum pen jok-lo

¹⁹Anut tin ta hadak do, anongkedo lapen kave lapen ban atum anta padu jok-lo.

²⁰Kopisi monit atum kesung along kedo-ma? Kopisi ningduk aphan aning parung-loma?

²¹Latum kethisi chonghongding lo, bonta la kaita vangve; Khipuru aphan mute tipit si latum aninghang rong-lo.

²²Halatum thithe tik lapen pip pe tik aning ingsamse lo;

²³Halatum kevangthuji akai Arnam patupijoi lo lapen akung an roithip-lo.

²⁴Chochesi ne ningduk-lo, lapen ne kehang ington thekthe det-lo.

²⁵Ne kephere asontin along kesiksak vang binong-lo.

²⁶Ne ning kangsam ave, sanglongle, lapen nekesung kaita jutje.