Read Karbi JOB 32 Bible Online

JOB 32 - Karbi bible

JOB 32

¹Job amethang adai ave pu chechinilor apotsi bangkethom amonit atum laphan thakthe det-lo.

²Bonta Elihu pu amen aning kethi chekhang un-e lo pima Job amethang aphan chokpet-lo lapen Arnam aphan anong jolo. (Elihu ke Barakel asopo, inut Buz aso, lapen Ram aso.)

³La Job ajirpo bangkethom aphanta aningthilo. Latum Job aphan kethakji thang atovar ave det lo, lapen ajok Arnam chokchelo pu pachini nangnak-lo,

⁴abangphutin keningje jutjetik an la inghong-lo.

⁵Bangkethom amonit atum Job aphan kethakdun thekthe thek-longsi la aningkethi pen ningje cheng-lo.

⁶Ne riso-lang, nangke kesarlo, lasi ne kopi kematha ma la nangkethanji pherelo.

⁷Nemethang aphan chepulo, nangtum si lam ningje nangji lapen nangtum arlengkesar atumsi bidi cherap nangji.

⁸Bonta jakongkethenei Arnam akarjong vangsi monit aphan bidi pitekang.

⁹Kesar alingle abidi kedolo lapu kali mate kopisi kechokma rapdunlo lapu kali.

¹⁰Lasi non ne nangtum nelam arjutha; ne kematha ason nepathan longtha.

¹¹Nangtum keningje un ahut nening chepaningding si arjuding-lo, lapen nangtum asarlamthe keningje ahut ta inghongdun-ding-lo.

¹²Ne nang arjudun pamelo lapen nangtum un edet lo; Job kepu alam nangtum than un-e det-lo.

¹³Kopusonsi nangtum bidi kelongbom-lang pu chepu un po? Arnam le Job aphan pathak lonang, pima nangtum un-e det-lo.

¹⁴Job ke nangtum aphansi keningje, nephan kali, bonta nangtum ason ne than un-e.

¹⁵Job aphan kethanji alam ave det-lo; nangphan latum kethakji alamthe avedet-lo.

¹⁶Latum kedojoi ahut ne inghongding nangji ma? Latum hadak keningje alam avepin si arjap phrong-lo.

¹⁷Kali, non nemethang thak po lapen ne kematha alam nangthan po.

¹⁸Ne inghong un-e-lo, nelam chekhang un-e lo

¹⁹Nephan jongsi paningje longle pulote horkemi keplengset ajarong ason phuk dak-po.

²⁰Ne arjap un-e-lo, lam ningje nangpo.

²¹Laso lamthama along ne badu abe dunde, badu aphan ta ne chongthuithe.

²²Kosonsi chongthuiji ma la ne chinine. Ne la klem lote Arnam nephan menmen aduk nepipo.