Read Karbi JOB 35 Bible Online

JOB 35 - Karbi bible

JOB 35

¹Nang Arnam angno nangdai ave puke.

²Nang chokche Job.

³Mate Arnam aphan “Nepap nangphan kopi nang chopholo? Pap keklemkle pen ajok ne kopi long-lo?” pu karju kechokche.

⁴Ne nang lapen nang jirpo atum aphan an ta thakpo.

⁵Sining langtha! Inghun ko-an kangtui loma langtha!

⁶Nang jongsi pap klemlote la Arnam aphan thangphophe. Nang jongsi kelet ongdung lote laphan phojima?

⁷Nang dhoromi kedo pen ajok Arnam aphan rap loma? Nang pen Arnam thangnat ta akesung ason ave.

⁸Nang pap pen ajok nangkorte atum sung-lo. Lapen nang akeme keklem laphan rap lo.

⁹Monit aphan chenek lote, latum ar-em latum aphan mane kepajok phansi latum hang-lo.

¹⁰Bonta latum pinchong a-Bang Arnam anat pangnone, lasi latum kangtingkuk apor la ning pathelo.

¹¹Latum aphan kepareset a-Arnam anat pangnone. Pi mate vo atum an sose kere.

¹²Latum kerap hang-lo, bonta Arnam arjuje, athema latum anethelo lapen hingno amonit lo.

¹³Latum akehang la ale avelo; jakongkethenei Arnam latum aphan langle mate arjuje lo.

¹⁴Job, nang pulo, nang Arnam aphan thek-longle bonta chepaningdingtha, nang lam ke la angnosi dolo.

¹⁵Nang mathalo Arnam aduk pipe, lapen la pap aphan anochedende.

¹⁶Nang keningje bom la nangphan ale ave. La pen chinilo, nang kopisi keningje ma nang chechinine.