Read Karbi JOB 36 Bible Online

JOB 36 - Karbi bible

JOB 36

¹Arnam apharman ne kepu alam aputhak,

²ning chepaningdingra, malomso arjutha.

³Ne gian ongmuchot; ne kechini ason an jakong kethenei Arnam ke ahokpet kepaklangjisi ningjepo.

⁴Nangphan kepu alam an kechobei kalilo, nangkereset amonit plangple aphrang nang chethek longpo.

⁵Arnam ko-an ingtang-loma! La badu aphan seta langremre; la kechinine ason ave.

⁶La papi atum aphan pareng longverve lapen keduk aphan langpame.

⁷Dhoromi aphan la rai, latum aphan recho ason la papangrilong, lapen latum aphan man palongver.

⁸Bonta rat-atum jongsi ingchin arri pen latum keklem apot chingnang lote, sung chechak lote,

⁹Arnam latum apap lapen anekethe paklang-lo.

¹⁰Kehingno pen kesuithekjisi la kepachere alam parju toi lo.

¹¹Latum jongsi Arnam aphan kroi lapen ingduk lote, latum akai isi ningkangsam lapen kechingthur pen rengpo.

¹²Bonta kalite, latum chechininepin pen thipo lapen chom alangjeng hatpetpo.

¹³Arnamkave atum kaita aning-thisuver lo, lapen aduk kepi ahut seta latum kerap-kelongji aphan ardomde.

¹⁴Riso ahut amat latum thipo, kelangrem akai isi chepajang nang-lo.

¹⁵Bonta kesung pen Arnam monit aphan thanpachini, lapen akevir pen latum amek ingpu.

¹⁶Arnam nangphan kesung nangvanlo, lapen nangphan pajokvanlo. Nang tebul athak kecho asonsi plengset lo.

¹⁷Bonta non nang kelang nangji ateng nangphan aduk pilo.

¹⁸Tangka kepi pen nangpachobei longle detjile cherenon kalite keplang nangtovar pangbo po.

¹⁹Nang kerap cholang seta nangphan ale ave det po, nangjakong do-an ta non nangrap thekthe det po.

²⁰Ajo kevangji aphan chonghong nangne, det kevir apor chonghong nangne.

²¹Cherere seta kehingno anat suise det non; nangkesang ke la pen kejokjisi nangkejoi lo.

²²Arnam ajakong ko-an akethe chemathatha; la kedo-an thangbang angbong aketheneilo.

²³Kopisi keklem nangjima pu baduta Arnam aphan than un-e, mate kehingno akam keklem apot bok un-e.

²⁴Laphan la keklem tang an apot kaiketa laphan roverlo, nangta laphan ro nangji.

²⁵La kopi klem loma abangphutin ta thekpet-lo, bonta eli achar pensi langthekchotji.

²⁶La kethe lapen la aningkan kelakhaji etum chinipameme.

²⁷Pirthe pen lang kepon la Arnamlo, lapen la arve amu pacheplang lo.

²⁸Monit akhi aphan inghun pen la arve pajang toilo.

²⁹Inghun kosonsi damloma baduta chinine mate Arnam kedo adim sining adang kosonsi sining ingreng-loma chinine.

³⁰Sining soding la sining pabirlak toilo, bonta talo aklong ke ingtingkukver.

³¹Lasonsi la rat aphan pacholo lapen dorphlup a-an sikpilo.

³²La ari pen sining kebirlak phlung-lo, lapen kepaklo adim paputoilo.

³³Cheter, tomon herai kevangji pachetang-lo.