Read Karbi JOB 39 Bible Online

JOB 39 - Karbi bible

JOB 39

¹Inglong karlu atum komantusi mahang thek-loma nang chini dun ma? Inghan athijok aso kephi nang thekdun longma?

²Ni ko-an latum asomar aphan cheripoma nang chini ma? Latum aso kephi apor nang chini ma?

³Komantusi latum dom poma lapen aso paklo poma nangchini ma?

⁴Ingnam along aso atum theding po lapen latum chekaksi vangvelo.

⁵Komatsi ingnam agadha aphan pajok long lo? Komatsi latum aphan phloksi pangni long-lo?

⁶Lahei ahem kepadojisi kejejangtang adim Ne bilo, lapen latum ingti athoi along dolo.

⁷Latum arki kedohang arongsopi pen helovingsi dolo, lapen baduta latum aphan anem en si kam paklem un-e lo.

⁸Inglong-heihei latum kechopan adim hadak latum bap cholo, hadak latum bap kelirtir kechoji aphan chori lo.

⁹Chai nangphan nang klempijima? Nang chainong aroi along la ningve isi nang dopijima?

¹⁰Arri pen ingnangsi nang lapen pen haibai unji ma? Mate nanghidi ajo mui pavung unjima?

¹¹La ajakong kethe aputhak nang chiki unji ma lapen nang am ke-ongpi kepaklemji chiki unji ma?

¹²Laphan nanghem sok pavanji ning chethe ma lapen nang sok kesi adim sok pangrumpi thekji ma?

¹³Ostrik avo avengkong ko-an prap loma! Bonta ostrik atum volongkom ason ingjar un-e.

¹⁴Longle along ostrik avo patilo, lahei aphan longle akar-om par-omji aphan.

¹⁵Lahei bang dong lamji mate ingnam api paphuk-rai ji pu la chinine.

¹⁶Ati la kalidet asonthotsi la cheplang lapen kebor-i an ale pave det lo pu chechinine.

¹⁷La Ne si laphan palu lo lapen abidi pi pe det-lo.

¹⁸Bonta kekat cheng-lote, losei lapen losei kardon abangphan ingnekchoi un.

¹⁹La nangma, Job, losei aphan kepangtangrak lapen achethok achaibe nangseng pi loma?

²⁰Latum aphan phelong ason pachonkrak lapen latum kangreng pen monit aphan paphere nangtong klemloma?

²¹Latum aninghang an thoi-arlok along ta hang-lo; latum ajakong kedo-an pen ron chedan dunlo.

²²Latum kephere kopima chinine, lapen nokjir latum aphan pachirui un-e.

²³Latum kardon atum kepon arisim arni ajo doiplar lo.

²⁴Abang chepaklem hursi aningkethi pen aphrang katbomlo; pong-ut vut lote latum arjap joi thekthe lo.

²⁵Pong-ut ase karju long pen ingrengpo; ron adim kele aphrang latum angnim long-lo, lapen hukum pibom kehang ase latum arjulong-lo.

²⁶Nitur anat kangjar arveng pabilang avomu kangjar nangpen tong kecharlima?

²⁷Inglongpi-heihei angsong atar chepatarji aphan vomu nang hukum tong kechohang ma?

²⁸Arlong kangtui-heihei along la ahem chepinchong-lo lapen la kere angtur la achong-lo.

²⁹Hadak pen la kechopathi lapen kechoji aphan adung lapen kehelo bithe-bitha cholang-lo.

³⁰Kethi arpum adung arei-si vomu atum chingrum, lapen vomu aso atum vi junlo.