Read Karbi JOB 4 Bible Online

JOB 4 - Karbi bible

JOB 4

¹Job ne ningje te nangning oilak jima?

²Ne dojoi thekthe det lo.

³Penang an amonit atum aphan nang than o-lo, lapen ari-ajakong kave aphan nang jakong pilo.

⁴Mane jongsi chingkoi lote aini lapen lak-po, nanglam-si laphan ning parungpo lapen parjap po.

⁵La nonke nang adeng-lo kesung kephonang ke lapen nang la kechetongji aphan ning chebithekthe det-lo.

⁶Nang Arnam aphansi archolo, lapen nangkai adai chepavepin; lasi nang mathathip aning kechethe donangji.

⁷Non chemathatha, inut dhoromi amonit kevir kephonang abang amen puthekjima.

⁸Kehingno ahidi along rat atum hai-kebai ne thek-long-lo, lapen chili asonsi ajat kehingno rik-lo; non latum ajat kelangno lapen kehingno si rot long-lo.

⁹Tomonpi asonsi, Arnam halatum aphan aning thisi pavirlo.

¹⁰Hingho atum asonsi, kehingno abang ingrong-lo lapen ingnurlo, bonta Arnam latum aphan padojoilo lapen latum aphan aso pajok-lo.

¹¹Hingho atum ason kechonepji lapen kechoji ason avetang-lo, latum thilo lapen asomar an pratseilo.

¹²Ephong isi abirta vangjoilo, pu-ansi vangjoilo ne la karjudun longle remlo.

¹³Ajo manglangno ason la nemek kejang pasiksak lo,

¹⁴Ne klemhursi thirik-lo; ne bang arpum kephere pen klemhurlo.

¹⁵Ne mahang monjirso nang vut lo, lapen ne chu pheresi thurphrok lo.

¹⁶Hadak pine karjap ne thek-long-lo; ne lang-lorlo, bonta la kopi lone chininedet-lo. Anke kangsamri angbong pen isi ase arjulong-lo.

¹⁷“Arnam angno inutbak dhoromi cheplang unjima mate la kethip abang angno ingthirjir un ma?

¹⁸Arnam ke sining aban atum aphanta chikike; la amethang apherangke atum aphan an ta adai thek-long-lo.

¹⁹Inghan pen kethip amar aphan, la chikiji pu tong nangli mathama, longle aduk amar, mova api keberlam undet amar?

²⁰Inut amonit adap ako reng-et tahai bonta chechininepin pen arni kangsam kevang aphrang thilot thek.

²¹la kedo-an ta pon et po; la thilot po, abidi ave pin pen.”