Read Karbi JOB 40 Bible Online

JOB 40 - Karbi bible

JOB 40

¹Job, nang jakongkethenei Arnam pen chedanlo;

²nang la o-poma, mate nang lahei nangthakpo?

³Ne kelu pensi ningje lo, HEMPHU. Kopisi ne nangthakji langma?

⁴Ne thang ta ningje je lo.

⁵Keningje apor ne ningje et-lo.

⁶Anke HEMPHU, tomon tipli angbong pen Job aphan puthot ningje lo.

⁷Pinso amonit ason arjap ther non, lapen Nekarju ason nethak non.

⁸Nephan kechokche pupo, lapen nangmethang ke chok-lim chepupo, pu nephan ahok ingsaise pu angthek paklang ingtung-loma?

⁹Ne kangtang asonthot nang ingtangma? Ne sining kebirlak ase ason an nangse pathe unma?

¹⁰Jongsi Kalang pulote nangnon lapen nangne kethe pen thur non; nang methang adak-atur nangnong pen chepindeng non.

¹¹Ane kethe atum aphan langnon; nang ningthira latum aphan pabiheknon.

¹²Kelang-lo, latum aphan langra pasunnon; Kehingno atum karjap adim berlamnon.

¹³Latum kedo-an aphan longle pip etnon; chom arlo ingnang-et-non.

¹⁴Anke Nesi nangphan nangkero chengpo lapen Ne pupo nangmethangsi haidet lo pu nang-ropo.

¹⁵Behemoth alang api aphan langtha; laphan Ne pinchong-lo, nangphan ta nesi pinchong-lo.

¹⁶Chainong ason la bap chovelo, bonta la abang kopi ajakong dolo, lapen la artho kopi ajakong dolo!

¹⁷La arme kedar athengpi arong ason arjap lo, lapen akeng artho ko-an kangtang.

¹⁸La areppi ingchin ke-er ason ingtang-lo, lapen akeng-heihei ingchin abarlon ason.

¹⁹Ne kepinchong api an angbong kemanghumeme-nei apilo! Laphan kepinchong abangsi parem-un chotji.

²⁰Ingnam api kejui anglong-heihei alongsi la kecho abap reng-lo.

²¹Bap-ingsu ajo la damlo lapen ingkera artu ajo chepatulo.

²²Bap-ingsu lapen langjeng akung arlok athengpi laphan pabinsi reng-lo.

²³La kelivoi alangroi phererelo; Jordan alang la amahang an inglum seta la aning thirklong.

²⁴La amek palusi komat-lo kenep po? Mate komatsi pham pen nepsi anokan ke-et poma?