Read Karbi JOB 42 Bible Online

JOB 42 - Karbi bible

JOB 42

¹Ansi HEMPHU aphan Job thak-lo.

²Nechini HEMPHU, nang jakong kedonei a-Bang lo; nang nangning kehang aling jat ason ta klem un.

³Ne chechinine pin ahut ne kopusonsi nangphan arjuhailo, pu nang ne arjulo. Ne ke kechinine pin alamsi ningje lo, lapen kechiniji bidi jut det.

⁴Nang keningje bom ahut ne dojoi nangji pu nang nepulo, lapen nang kekarju ason pathak toilo.

⁵Aphrangke bang nephan nethanchot alamsi ne chinichot-lo, bonta non ne nangphan nemek hini pen thek-long-lo.

⁶Lasi ne kepu alam an ne chetherak lo, lapen longle-aduk, thek-lo-heihei pensi nening chiruilo.

⁷Job aphan HEMPHU keningje patangsi, Alangli Eliphaz aphan pulo, “Ne nangphan lapen nangjirpo banghini aphan jasemet Ne ning thilo, pima nangtum Neban Job keklem asonthot si ahok alam thanthe det-lo.

⁸Non jon 7 achainong alo lapen jon 7 abiresak alo Job along pon non lapen lahei nangtum methang apharman athok-heihei pinon. Job si nangtum aphan nang ardom pi po, lapen la akardom Ne thakpo, lapen nangtum kephonangji ateng nang pinrem re lo. La keklem asonthot nangtum Nelam ahok thanthe det-lo.”

⁹Eliphaz, Bildad, lapen Zophar atum HEMPHU latum aphan kepu ateng klem lo, lapen Job akardom HEMPHU thak-lo.

¹⁰Ajirpo bangkethom aphan Job kardom pidet aphi, HEMPHU laphan puthot pachingthur-thulo, lapen la aphrang kedo apar phanni pithulo.

¹¹Job akorte lapen angjir atum lapen aphrang ajirpo atum laphan nang kelangjisi vang-lo lapen la ahem arong-aje chepilo. Latum akangjinso latum hijan chepaklang-lo lapen la aphuthak HEMPHU kedo-an akesung kepavang apot laphan aning pangsamlo. Abangphutin laphan ajehak atangka lapen ser-arnan pilo.

¹²Aphrang Job aphan kepahirjume apar HEMPHU la aphi pahirjume muchot lo. Job suri 14 abiresak, jon suri 6 aka-ut, jon suri 2 achainong lapen, jon suri isi agadha dolo.

¹³La bang 7 apinsomar, lapen bang 3 arlosopimar apolo.

¹⁴Asopi aklengsi amen ke Jemimah, adakvam ke Keziah, lapen akebisi ke Keren Happuk

¹⁵Job asopimar asonthot arje keme pirthe adang nahok ta ave. a-ik atum pen pen latum apo aphan apharman bak-rep lo.

¹⁶Job ningkan 140 an rengsi asu lapen asuselet an chethek long-lo.

¹⁷Ansi la sarpik an arta lesi thi-lo.