Read Karbi JOB 6 Bible Online

JOB 6 - Karbi bible

JOB 6

¹Ne kesung lapen ning keduk jongsi

²alin along lin lote,

³la talo asangti an sose alin vangji, lasi nening kepung alam-heihei nangphan pamanghu longri.

⁴Jakong thepik a-Arnam nephan thai-aso pen nang tok chok-lo, lapen halahei abi nebang arpum bitheta pratsailo. Arnam aningkethi nephuthak pardunronlo.

⁵Bap cholong lote gadha ejon aning chepajang-lo lapen chainong api sokpun kecho ahut dojoije.

⁶Bonta komatsi akedokde ason choji, ingti kave a-an? Voti apok-lok kopi angnim do?

⁷Lasonsi an aputhak ne ingchirchedet lo, lapen ne kecho ason nephan paso det lo.

⁸Kopisi ne kehang aling Arnam nephan nepi un-e det ma? Kopisi la ne kardom nang thak the det ma?

⁹La jongsi klembom ra ne pathilot asonte,

¹⁰La jongsi klemlote ne ning arongpikji, ne keso thepik seta. Ne chini Arnam ingthir-et; la hukum ne kepi aling ne khinde dunde.

¹¹Kerengji aphan ne kopi ajakong dolangma? Neningkethi avepin ahut kopisi ninghang jilangma?

¹²Ne arlong pen tong keplangma? Ne bang ingchin-ke-enma?

¹³Nemethang chepajokji aphan nejakong avepin lo; kerap kelongji aphan ne nahokta chetevar athai avelo.

¹⁴Nephan Arnam ne-o-tame ne-o-e tame lason kesung ahut, ne ahokpet ajirpo kenangsot.

¹⁵Bonta jirpo nangtum, arve kejangje ahut kekrengsoi along jang asonsi nangtum ta nephan chobei tang-lo.

¹⁶Langjeng-heihei herai lapen ar-e-kelok angkleng pensi plengset,

¹⁷bonta keso ahut lahei avedetji, lapen langjeng athak thek dak lapen krengphun

¹⁸ka-ut ajeng lang ri si tovar chepangbolo; latum dambomsi sangti ajo thilo.

¹⁹Sheba lapen Tema pen ka-ut-ajeng ribomlo,

²⁰bonta kekrengtai alangjeng akung latum aning kechethe thi-lo.

²¹Nangtum ke halahei nephan alangjeng asonlo, nekopai nangtum thek-longsi lapen pheresi nangphi chiruilo.

²²Ne nangtum aphan pine adan nanghang ma mate nepharman bang aphan tangka papitoi loma?

²³Mate ajehak ahotur pen lapen mane kesedengkak pen nepajok tha pu nangpu ma?

²⁴Jat seta, nethan non; ne dai kopine ne than non. Ne dojoisi nangtum alam nang arjuding po.

²⁵Ahokpet alam ke kroime, bonta nangtum ale kave alam si ningjelo.

²⁶Nangtum mathalo ne keningje thangta kali bonta tomon chot; tangte kopisi nening kerun alam nangtum nethakdun loma?

²⁷Jangreng aban aphan nangtum kepathu armu varpo lapen nangmethang ajirpo atum aphan paduk po!

²⁸Ne mahang nelangtha, Ne pachobei un-e.

²⁹Nangtum dam-o lo. Ahok-he ington non. Nephan nehonthe dunri. Ne chokpet lang.

³⁰Bonta nangtum matha, ne pachobailo. Nangtum matha ne akehingno pen akeme thanthekthe pu.