Read Karbi JOB 7 Bible Online

JOB 7 - Karbi bible

JOB 7

¹Monit akai ke ron-armu asong akam ason, ri hongni chepaduk krup akai ason

²ban atumle kangsamdop abin kar-i ason klembang atangka kelongji kechonghong ason.

³Achiklo, achiklo, ne kerengji aphan ave pinlo; ajovang ta nephan ning duksi vanlo.

⁴Ne mek-kejangji tilai lote, apor damde; jopangthang ne chepharlep voi lapen kethe-ang cholangding-lo.

⁵Nebang ingthansi plengset lo, la reng adip si dip phlupchot-lo; ingthum pen atini livoilo.

⁶Ningkethi avepin pen arni padamlo therang aharpi an sose keprap.

⁷Ne mathathe, O Arnam, ne kaike isi chethe kevang anchot; nening arong jut kok lo.

⁸Nang non nephan thek-long lo, bonta puthot thek-longle lo, nang nephan nerilote, ne dam et-po.

⁹Inghun ason saipo, lapen avedetpo, inut amonit thipo lapen chevang velo.

¹⁰Laphan kechini atum an tengne etpo.

¹¹Kali, ne dojoi thekthe! Ne ningthilo, lapen ninghodak-lo ne ningje nangji.

¹²Kopisi nang nephan kepatonding ma? Ne talo a-ok-pi lo putong nemathama?

¹³Ne tilaisi kesangji bor-i lo; ne keso pen kemeji ninghang-lo.

¹⁴Bonta nangtum nephan nangpen nepapherelo nang nephan pathek-long-lo lapen nang palangnolo.

¹⁵Laso ne-ok keso pen kesung mute nechethok netumbob la memu.

¹⁶Ne olo; ne kerengji lak tang-lo, nephan ne-obub tha. Ne kai thangta chechinine det lo.

¹⁷Monit nangphan kopisi pu-an kenangsot? la keklem aputhak kopisi la-an nangno chedendun ma?

¹⁸Nang laphan adapvang ta lang lapen ahuttin ta laphan nang asat enlo.

¹⁹Nephan ne ingthe kechejoi apor ne nang pen longle det poma?

²⁰Nepap pen ajok nang konvak loma, nangkebeng abang? Ne nangphan isi thedung arpu-ma?

²¹Nang nepap diya un-e ma? Ne kehingno keklem apot nang diya un-e ma? Ne nemethang atipit along dodam serakpo; lapen nang nephan nekeri ahut ne dam-et po.