Read Karbi JOB 8 Bible Online

JOB 8 - Karbi bible

JOB 8

¹Ansi Bildad thak-lo,

²Nang ko-ansi lahei alam ningje bomjilang, lapen nang ingho alam jakong kethe atomonpi ason paplangpo.

³Arnam kangsai paprek ma; la akeme keklemji aphan kaita mome.

⁴Nangsomar atum Arnam aphan langplotsi pap klemlo tahai lasi latum kelong nangji aduk latum aphan la pilo.

⁵Bonta non chetevarra, Jakong thepik Arnam aphan choningrinon;

⁶nang jongsi pu-an ahokpet lapen ingthir-et pulote Arnam vangsi nangphan nangrapji, lapen nangphan nong-e asonsi nanghemtun an nang pithu-et-ji.

⁷Anke Arnam nangphan nangkepiji pen pangbar lote nangkepangbo akhi ke thangta kali.

⁸Hako abidi aphan malomso rinon; ephusar atum kecharli ahok ason langnon.

⁹Etum akai thithetik; etum chechini-ne khangjang, pirthe athak eharchi kedam asonsi eli damlo.

¹⁰Bonta hako athek-kere atum nangphan nangpathan lonang, halatum kopi kepuji doma, arju dunnon.

¹¹Lang kave along ingkera rengthekthe, la aphan longle kangduk pen apar nahok ta longle.

¹²Lang jongsi krenghak-lo pulote lahei thidapnei po, kechorji lapen ke-enji aphan ingduk-onglang.

¹³Arnam kave amonit atum ta ingkera-heihei asonlo; Arnam aphan ephong tengnelote latum aningkethe avelo.

¹⁴Honjeng aphan latum chiki, sangman aram aphanta.

¹⁵Jongsi latum sangman aram athak charchung lote la latum aphan archak un jima? Jongsi honjeng latum ot-het lote, la latum aphan parjapdong un jima?

¹⁶Kehingno amonit atum arni keso ahut bap kechingjok ason, bap beri bithe kejir hup ason

¹⁷latum angkur arlong aphan phanpo, lapen arlongpi an aphan per-het po .

¹⁸Bonta lahei vung-et lote hadak lahei do pu baduta chininelo.

¹⁹Kalang lasonsi kehingno amonit atum aning arong doji; akaprek vangsi latum adim-heihei cheraidet po.

²⁰Bonta kekroithip abangphan Arnam kaiketa o-e; mate kehingno amonit aphan rapverve.

²¹La nangphan pangnek longpo lapen puthot pahang longpo.

²²Bonta nangphan kehijim abangphan la pinrem vanpo, lapen kehingno atum ahem-heihei avedetpo.