Read Karbi LUN 10 Bible Online

LUN 10 - Karbi bible

LUN 10

¹Nang kopisi lapu-an kehelo kedoma, O HEMPHU? Netum kesung ahut nang konatsi chepatu loma?

²Kehingno atum ane thelo, lapen keduk aphan pasung-lo; latum ketot apham along latum aphan nepcheknon.

³Kehingno abang kehingno akar-i apot cheparokalo, choboho abang ahirjuno hangsi HEMPHU aphan dengmolo.

⁴Inut kehingno abang HEMPHU aphan mathathe; la chepindaksi la mathalo, “Arnam thangta kali.”

⁵Kehingno amonit akam asontinta chun, la Arnam akangsai-heihei chini un-e; la ahotur atum aphan la anokan chebilo.

⁶La amethang chepulo, “Ne kaita unverji! Ne kaita kesung phophelo.”

⁷La alamthe ahirjuno kechobei, lapen kether-kehap pensi plengset; la kehijimmeme lapen lamjuno-heihei keningje prappik-lo.

⁸Rong ajo si la amethang chepatulo, adaikave abangphan apran karmutjisi inghongding.

⁹La rapbang avepin abangphan langjoilo, la hingho ason kechepatu adim inghongding. Keduk abangphan la ijoisi inghongpo, Latum aphan la apham along nepsi sanponthorpo.

¹⁰Kerapdun kave kepho abang rop-ru-si tilaitang-lo; kevir ajakongsi latum aphan paremlo.

¹¹Kehingno abang amethang chepupo, “Arnam nethek dunde! La amek seloktang-lo, lapen kaita nethek-longlelo!”

¹²O HEMPHU, kehingno atum aphan aduk pitha! Kesung kechechak atum aphan chemathatha!

¹³Kosonsi inut kehingno abang, Arnam aphan papinremlongpo, Lapen latum chepulo, “La nephan adukpipe!”

¹⁴Bonta nang thek-long-lo; kesung lapen keso kechechaknang, lapen kaita kerapjisi chesik-lo. Kerap-kave abang nangphansi amethang chehodailo! Nang kaiketa keboi atum aphan rap-lo.

¹⁵Ajat kelangno lapen kehingno atum ajakong pavedetnon; latum kechoklem kechokche apot, mo nonphi klem haihedetji an adukpinon.

¹⁶HEMPHU ke kaike aphan arecholo, akaprek Arnam aphan karcho atum la alongle pen phlungjuipo.

¹⁷Kechepabi atum keningri akardom, nang arjupo, O HEMPHU. Latum aphan nang angthin pathepo.

¹⁸Kechenek kepho lapen jangreng atum, akechiru nang arjulongpo; latum abe nang ingsaipo, anke kethinang amonit atum pasungsedetpo.