Read Karbi LUN 101 Bible Online

LUN 101 - Karbi bible

LUN 101

¹Ne lunke kekroi lapen ahok-akangsai, lapen ne la nangliphansi nanglun pipo, O HEMPHU.

²Ne keja ke akechokche ave. Nangli nelilong komantusi vangpo? Nehem ne ingthirjir akaisi dopo,

³lapen kai seta kehingno chakchelo. Arnam pen kesui atum akam ne hijimlo, Latum pen ne thangnat akam ave.

⁴Ne ahokpetsi dopo, lapen kehingno atum pen chelangle.

⁵Bang aphan kehingno alam kepalamso atum pen ne che-o-buppo; ane kethe lapen kesedeng amonit aphan ne chakche.

⁶Arnam aphan kekroithip atum aphan, ne hokpo lapen latum aphan rechohem padolongpo. Ingthikdut atumsi nephan pangduk-longji.

⁷Rechohem along kechobei atum dunlongle; ne ingno athak me-o pu chepaklangchot atum dolongle.

⁸Netum adet kehingno amonit aphan arnivangta ne pavirji; HEMPHU arongsopi pen kehingno amonit atum aphan Ne phlung-etji.