Read Karbi LUN 108 Bible Online

LUN 108 - Karbi bible

LUN 108

¹Nening kechethe do, O Arnam! Ne lunsi nangphan roji! Thurnon nekarjong!

²Thurnon, nekumbeleng lapen nekum chongdeng! Ne arni aphanta ingthurpo.

³Ne nangphan det angbong ropo, O HEMPHU. Rat angbong ne nangphan ropo.

⁴Nang chemitme akanghon sining-heihei anta phodamlo, nang kekroi kethir inghun-asining anta lelo.

⁵Inghun-asining angsong nangjakong O Arnam, lapen pirthe athak nangdak-nangtur paklangnon.

⁶Nangjakong pen netum aphan pajoknon, lapen nekardom nethaktha, anke nang kechinghon arat atum kejok longpo.

⁷Ahem kangthir pen Arnam pulo, “Chepahaisi Ne Shekem phlak-po, lapen nerat aso aphan Sukkoth Arlok thakdetpo.

⁸Gileadta Ne lapen Manassehta; Ephraim ke Nephutup lapen Judah ke N-echinlo.

⁹Bonta Moab aphan Ne kecharsam-i alangpen ason otpo, lapen Edom aphuthak Ne keng-op varpo, la ne chepa HEMPHU lo pu angthek-lo. Philistia aputhak kehai akehang Ne hangpo.”

¹⁰O Arnam nephan komatsi paisong kedo arongsopi neponpoma?

¹¹Nangli nelitum aphan dengmo binong-loma, nangli netum aron-armu penpen nangbar dundeloma?

¹²Hotur abe thurra netum aphan raptha, Monit akerap chot ke ale ave.

¹³Arnam pen chelangpet lote latum haiji; alangli netum ahotur atum aphan paremdetji.