Read Karbi LUN 110 Bible Online

LUN 110 - Karbi bible

LUN 110

¹Ne HEMPHU recho aphan HEMPHU pulo, “Nang hotur atum aphan, nangkeng arum Ne nangbibetik, nang Ne ar-e-le ingninon.”

²Zaion pen nang recho ajakong, HEMPHU nang pa-aipo. “Nang hotur pen nang ron kechedan ahut, nangrat aso atum nangcheto dunpo. Adapprang ar-e keklo asonsi, nangrisomar atum inglong-heihei kangthir athak nanglong vangpo.”

³Nang hotur atum pen nang ronkechedan arni, nangrat aso atum nangchetodunpo. Adap a-ar-e keklo asonsi, nangrisomar atum inglong kangthir adim along nanglong vangpetpo.

⁴HEMPHU isi chechak pamelo, lapen la che-enthuthelo; “Melkizedok akurusar ateng, kaike aphan nang kurusar plangverpo.”

⁵HEMPHU ke nang ar-e anatsi dolo. Alangli aningthilote, Recho atum aphan alangli parempo.

⁶Alangli det atum aphan ingsaipo, lapen ron adim kethi arpum-heihei paplengsetpo, pirthe adang arecho an aphan la paremlirpo.

⁷Tovar akung alangjeng pen recho lang junpo, lapen ingtang-lo, la haidongsi arjappo.