Read Karbi LUN 116 Bible Online

LUN 116 - Karbi bible

LUN 116

¹Ne HEMPHU aphan chinghon, Pima alangli nephan ano cheden; Ne kardom-heihei alangli ano cheden.

²Ne aphongtin laphan hang seta, alangli nephan ano cheden.

³Kethi phere nekomchenlo, tipit akepherememe aphuthak nang chinghip-lo; ne pherere lapen ningduk si plengset-lo.

⁴Anke ne HEMPHU aphan hang-lo, “Ne nangphan choningrilo, HEMPHU, nepajoktha!”

⁵HEMPHU ke kangjinso plengset, lapen netum a-Arnam ke kangjinso thepik.

⁶Kerap kelongle atum aphan HEMPHU railo, ne kesung ahut Alangli nepajok-lo.

⁷Ning chepathir-kluknon, O nening; pima HEMPHU nephan chingki me-o.

⁸HEMPHU kethi pen nepajok-lo, alangli nemekri pabubedet-lo; lapen keremdet pen pahailo.

⁹Lasi kerenglang atum apirthe, HEMPHU angno ne helat-lo.

¹⁰“Nephan neberlam khangjang-lo” pu ne ningje seta ne kroibomlo.

¹¹Ne kepherere ahut, “badu aphanta chikino,” pu ne pulo, seta;

¹²alangli nephan kedo-an keme akam apot, HEMPHU aphan ne kopisi kepipoma?

¹³HEMPHU nephan kepajok apot, ne drakha ahorlang athok thoksi kechoro vanpipo.

¹⁴Alangli rat kechingrum along, ne alangliphan kechaktang ason pipo.

¹⁵Alangli rat thilote, HEMPHU aphan aning padukpik.

¹⁶Ne nanglibanlo, HEMPHU; nelipai keklem ason neli nangliphansi ingduk-lo.

¹⁷Nangliphan neli kero athok pajirpo, lapen neli kardom nangliphan pajirpo.

¹⁸Nangli rat kechingrum along, nangli Kardomhemthepi kangthir Jerusalem along,

¹⁹nangliphan neli kopisi chechak loma? Nangliphan nanglipajirpo. HEMPHU aphan ronon!