Read Karbi LUN 12 Bible Online

LUN 12 - Karbi bible

LUN 12

¹Neraptha O HEMPHU, Keme amonit inutbakta avedet-lo, Ahokpet amonit thek-longledet-lo.

²Kadokave lahin lahin chongthuisi pachobeilo.

³Halahei kechongthui ade padoklipnon, O HEMPHU! Kecheparoka angho inghipthipnon,

⁴Latum pulo, “Elam pen eli kenangji ason long-lo. Etum eninghang aling ningjenang, Lapen baduta ekhamkhe un-elo.”

⁵“Bonta non ne vangpo,” HEMPHU pulo, “Pima keboi aphan chenektang-lo, lapen areng keso ar-emkhrung-lo. Latum aningkehang akerai latum aphan Ne pipo.”

⁶HEMPHU kechak alam chikime, la me along throksi kepangthir ajukave arup ason.

⁷Kehingno atum nahokta do, lapen abangphutin ta kehingno akam aphan rolo.

⁸Netum aphan kaiketa nepajoktha, O HEMPHU, lapen lason amonit atum pen neraitha.