Read Karbi LUN 132 Bible Online

LUN 132 - Karbi bible

LUN 132

¹HEMPHU David aphan, lapen la kesung kechechak an ason pen apot tengneri.

²Chemathatha HEMPHU, alangli, nangli Jakongkethenei Jakob a-Arnam aphan kechak alam;

³“HEMPHU aphan adim sikpi longletik,

⁴Jakongkethenei Jakob a-Arnam aphan ehum ahem avetik,

⁵Ne hem chedamde mate bebe damde, ne sangse mate mekjangje.”

⁶Bethlehem alongsi netum Kechejok Asinduk alam arjulong-lo, lapen netum Jearim ahidi alongsi la long-lo.

⁷Netum pulo, “Etum HEMPHU ahem damlonang; alang anghoi angno eli archonang.”

⁸Kechejok Asinduk penpen, Kardomhemthepi along vangnon HEMPHU, La nangjakong angthek-lo, lapen ladak-le kaike dovernon.

⁹Nang kurusar atum kopima akechokpet la paklemnang; nangrat atum aning arong pen pahangnang!

¹⁰Nangban David aphan nangli pulo, nang kangvaitang arecho aphan dengmori, HEMPHU.

¹¹David aphan nang chechak pamelo, isi nang keche-en-e-pin aseme; “Nangsomar angbong inutbak aphan Ne recho pachovekji, lapen la nangphi pangripo.

¹²Ne pen Kechejok alam, lapen Ne kepi ahukum-heihei aputhak, nangsomar atum ahokpet pen dolote halatum asomar atum anta, nangphi recho cholongverpo.

¹³Zaion aphan HEMPHU ingvaitang-lo, la athak alanghem cheselamji ar-ilo.

¹⁴Ladak helo Ne kaiketa kedoverji adimlo;

¹⁵Bangpi kenangji an Ne Zaion aphan kepi pa-ongdungpo; la keduk arat aphan Ne an pen pangkrangpo.

¹⁶La akurusar atum aphan latum keklem an Ne pahirjumepo.

¹⁷Ladak Ne David asu aphan inut thedung arecho paplangji, lapen ladaksi Ne kangvaitang arecho aron Ne pathirji.

¹⁸La ahotur atum aphan patherakji, lapen la ade chingthursi rengdok-rengniji.”