Read Karbi LUN 135 Bible Online

LUN 135 - Karbi bible

LUN 135

¹HEMPHU aphan ronon! Nang HEMPHU aban atum an alangli men rohurnon,

²HEMPHU ahem karjap atum an, e-Arnam Kardomhemthepi along.

³HEMPHU aphan ronon, pima alangli mesen; Alangli men lun pen rohurnon, pima alangli inghonver .

⁴Jakob aphan alangli methang aphan ingvailo, Israel arat alangli methang aphan.

⁵Neli chini e-Hemphu ke thedung, kedo-an arnam-heihei apar themu.

⁶Sining lapen pirthe athak, Alangli aningkehang alingsi klemlo, talo-heihei arlo lapen aklong-heihei aber anta Alangli klemlo.

⁷Pirthe kejut ahin pen alangli tomon inghun-heihei vanlo, tomonthepi aphan sining pabirlak-lo, lapen alangli apuru angdeng pen tomon vanlo.

⁸Ijip along monit lapen pi aso-akleng alangli pathilo.

⁹Recho lapen la aban atum aphan aduk kepijisi, hadak alangli manghumeme, lapen angthek-heihei akam paklang-lo.

¹⁰Ongdung adet alangli pavirlo, lapen ajakong thedung arecho atum aphan pathilo.

¹¹Sihon, Amor atum arecho, Og, Bashan arecho lapen Kanaan arecho kedo-an aphan.

¹²Halatum alongle alangli rat aso Israel aphan chepilo.

¹³HEMPHU, nangliphan Arnam lo pu kaike pachethangji; ove kedo-anta nangliphan nang-chekimoverpo.

¹⁴HEMPHU si amethang arat aphan chedanpipo, alanglisi aban atum aphuthak jinsopo.

¹⁵Det atum arnam-heihei ke ser pensi keselam; lahei monit ari pensi keselam.

¹⁶Latum angho-heihei do, bonta ningje un-e, amek do bonta thek-longle.

¹⁷Ano-heihei do, bonta arjulongle, latum achethe vang un-e.

¹⁸Lahei aphan keselam lapen kechiki atum an, halatum keselam akumlin ason paplangnang!

¹⁹Israel arat atum, HEMPHU aphan ronon; alangliphan karcho atum an, laphan ronon!

²⁰Nang Levi atum HEMPHU aphan rohurnon, Alangliphan karcho atum an alangliphan rohurnon.

²¹Zaion along, Jerusalem along, alanglihem, HEMPHU aphan ronon, HEMPHU aphan ronon!