Read Karbi LUN 136 Bible Online

LUN 136 - Karbi bible

LUN 136

¹HEMPHU aphan kero pinon pima alangli mesen; Alangli akanghon kaike jutje,

²Kadokave a-arnam-heihei apar kethenei aphan kero pinon, Alangli akanghon kaike jutje,

³Kadokave a-HEMPHU kedo-an apar, Jakongkethenei a-Bangphan kero pinon; Alangli akanghon kaike jutje,

⁴Alanglisi manghumeme thedung akam klemchot, Alangli akanghon kaike jutje,

⁵Sining-heihei alangli bidi pen pinchong-lo, Alangli akanghon kaike jutje,

⁶Lang karnuk athak si alangli pirthe builo, Alangli akanghon kaike jutje,

⁷Chiklo-arni alanglisi pinchong-lo, Alangli akanghon kaike jutje,

⁸Anerlo aputhak arni papangritoilo, Alangli akanghon kaike jutje,

⁹Chiklopi pen chiklolongso ajo aputhak papangritoilo, Alangli akanghon kaike jutje,

¹⁰Ijip asor aso-akleng alangli pathilo, Alangli akanghon kaike jutje,

¹¹Ijip pen alangli Israel arat aphan nangjalinlo, Alangli akanghon kaike jutje,

¹²Ari ajakong kangtang pen, avengkong ajakongkethe pen, Alangli akanghon kaike jutje,

¹³Talo ke-er alangli ingphaidak-lo; Alangli akanghon kaike jutje,

¹⁴La angbong arat aphan alangli nangjalinlo, Alangli akanghon kaike jutje,

¹⁵bonta Ijip arecho lapen la aron-armu atum aphan, Alangli lang pajang-et-lo; Alangli akanghon kaike jutje,

¹⁶Alangli arat aphan kejejangtang ajo nangjalinlo, Alangli akanghon kaike jutje,

¹⁷Jakong thedung arecho atum aphan alangli pathilo, Alangli akanghon kaike jutje,

¹⁸Anong kedo arecho atum aphan alangli pathilo, Alangli akanghon kaike jutje,

¹⁹Sihon, Amor atum arecho; Alangli akanghon kaike jutje,

²⁰lapen Og, Bashan arecho; Alangli akanghon kaike jutje.

²¹Halatum alongle alangli rat aphan chepidet-lo, Alangli akanghon kaike jutje.

²²Lahei Alangli Israel, aban aphan pilo, Alangli akanghon kaike jutje.

²³Eli keremdet ahut alangli ephan etengnenedet-lo; Alangli akanghon kaike jutje.

²⁴Ehotur arideng pen Alangli epajok-lo; Alangli akanghon kaike jutje.

²⁵Kereng-et kepinchong amar an aphan Alangli an pilo; Alangli akanghon kaike jutje.

²⁶Sining Arnam aphan kero pinon; Alangli akanghon kaike jutje.