Read Karbi LUN 138 Bible Online

LUN 138 - Karbi bible

LUN 138

¹Nening aklong kedo-an pen ne nangphan rolo, HEMPHU, arnam-heihei angno ne nangphan kero alun lunji.

²Nang Kardomhemthepi Kangthir anat, ne pangnosi ne ingphun patongki pen nang men roji. Pima nang kechemitmepin akanghon lapen akekroi kethir apot, Pima nangmen lapen nang hukum-heihei, Kaita litsong-lo pu nang paklang-lo.

³Ne nangphan nangkehang ahut, nephan nethak-lo; nangjakong pen nang nepangtang-lo.

⁴Pirthe athak kedo-an arecho atum nangphan ropetji HEMPHU, pima nang akechak-heihei latum arjulong-lo.

⁵Latum nang keklemtang akam, lapen nangnong kethe alun lunji.

⁶Nang kedo angsong ingtuiving seta; keduk-kangdai atum aphan nang ora, lapen anekethe atum nang pen chepatu un-e.

⁷Nephan kesung nekompet ahut seta nang nepajok-lo. Aningkethi nehotur aphan nang khang-lo, Lapen nephan nang jakong pen pajok-lo.

⁸Nang kechak ason an nang klempetpo. HEMPHU, nang kanghon ke kaike jutje. Nang kechak akam nang papleng-lo.