Read Karbi LUN 139 Bible Online

LUN 139 - Karbi bible

LUN 139

¹HEMPHU nang nephan asat enpamelo, lapen nephan nang ne chinipamelo.

²Ne keklem along nang chinipet nening kematha an heloving pen seta nang chini.

³Nephan nang nethek-long-lo, neli klembomloma mate kesang-loma; neli keklem ason an nang chini.

⁴Ne keningje aphrang, ne kopisi ningjejima nang chini.

⁵Nang nerep-nerai nekomchensi do, nejakong pensi nang nepajok.

⁶Nephuthak nang gian arsikpik la ne kemunthi bidi jutdet.

⁷Nang pen chepajokji ne konatsi kedampoma? Nang ingno pen ne kosonsi chepahelo thekpoma?

⁸Ne jongsi sining arludam seta, nang hadak do, chom arongle lutdam seta, nang hadak do.

⁹Nihang apar ne kat ra nichi kehelonei adim dodam seta,

¹⁰nang hadak nephan neja unji.

¹¹Kangting aphanle nepatutha pu ne hang seta, mate nedung kethe-angle pangtingsang-non pu seta,

¹²kangting ke nangphan kangting kalilo, lapen ajo-ke nangphan anerlo kethe-ang asonlo. Kangting lapen kethe-ang nangphan ke isinat-lo.

¹³Nebang athantin ta nangsi nepinchong-lo, nepai apok arlo nethap pame rappet-lo.

¹⁴Ne nangphan rolo, pima nangphan ke kephere nangji atheng-lo; nang keklem ason an ke chini un-e lapen manghumeme pen nepinchonglo.

¹⁵Nerrepi kepangvuisi nepei apok arlo nethapvet ahut, lapen ne hadak thejoibom ahut, ne hadak dolo pu nang chini.

¹⁶Ne mahang thekthe aphrang penta nang nethek-long-lo. Lahei angbong isi ta plangple aphrang nanglong nephan Kepi arni-heihei tok-et-lo.

¹⁷O Arnam, nang kematha-heihei ne ko-an kechiniji sung-loma, ko-ansi lahei kedolangma!

¹⁸Ne jongsi lahei lakha lote, sangti aduk apar ongmuji. Nemek keprang ahut ne nanglong dolo.

¹⁹O Arnam, nang kehingno atum aphan pathi-et asonte, ne ko-an ninghang-loma! Avi kepabu amonit atum nephan inutvet ne-obup asonte, Ko-an neninghang-loma!

²⁰Latum nangphuthak lamjuno ningjelo, latum nangmen aphuthak lamjuno ningjelo.

²¹O HEMPHU nangphan kehijim atum aphan, ne ko-an hijimloma! Nangbe kethursom atum aphan ne ko-an pinremloma!

²²Kehijim nangji an pen ne latum aphan hijimlo, latum aphan nehoturlo pusi ne chekamdet-lo.

²³Asat ne-entha, O Arnam, lapen nening alam chinitha; asat ne-en-ra ne kematha-heihei nang-rinon.

²⁴Pine kehingno ason nelong doma rinon, lapen kejut un-epin atovar anat nejaponnon.