Read Karbi LUN 140 Bible Online

LUN 140 - Karbi bible

LUN 140

¹Nepajoktha, HEMPHU, kehingno amonit atum pen; avi kepabu amonit arideng pen nepajoktha.

²Latum kaiketa kehingnosi mang-lo, kepachebohongji aphan chorung-lo.

³Latum ade abi kedo apherui ason; halatum alam abi kedo aruiphe asonlo.

⁴Neraitha, HEMPHU; kehingno atum ajakong pen; nephan kepakrepji kemang amonit atum pen nepajoktha.

⁵Anekethe amonit atum nephan pham tot-lo, halatum aphamvur bilo, lapen tovar ajak kedingpi nephan kenepjisi latum hilik hut-lo.

⁶HEMPHU aphan ne pulo, “Nang ne-Arnam.” Ne kerap kehang no chedentha, HEMPHU!

⁷Klempet-un ne-Hemphu, nelongchong; nang nephan ron along neraidet-lo.

⁸HEMPHU, kehingno atum aning kehang aling latum aphan piri; latum akemang akam pachunlongri.

⁹Nehotur atum aphan pahai longri, nephan kether halatum aphuthak paklonang,

¹⁰Keprung-ang ame akri halatum aphuthak paklonang, Nang kebar-un-e-pin ahilik arlo latum pachevarchok-nang.

¹¹Bang kaprek aphan ahok-hepin pen, kebok akam pachunche-nang, kehingno alar avi kepabu, amonit atum aphan pavirdetnang.

¹²HEMPHU, ne chini, nang keduk atum, lapen keboi atum ajakong aphan chedanpilo.

¹³Chenamsi dhoromi atum nangphan nangroji; latum nang ingno dolongji.