Read Karbi LUN 141 Bible Online

LUN 141 - Karbi bible

LUN 141

¹Ne nangphan nanghang-lo HEMPHU, non nerapnon! Ne nangphan nangkehang ahut no chedentha.

²Mephik asonsi ne kardom dengtha, neri kechirung ke arnikangsam athok paplangnang.

³HEMPHU, ne ingho along tonbang bitha, ne ingtur amangho along inut atonbang binon.

⁴Kechokche akam keklem pen, lapen kehingno amonit atum pen, kehingno akam keklem pen nepahelotha. Halatum arong-aje along ne kedodundedetsi akeme.

⁵Keme amonit nephan aduk nepi tahai, lapen kanghon pen ingchek tahai, bonta kehingno amonit pen ne kaike man dengde, pima ne halatum kehingno akam aputhak ardomlo.

⁶Halatum kepangribang atum aphan, inglong aphuchong-heihei pen nangvarbop-bop ahut, rat atum nelamsi ahokpet chekok-lo pu chinipo.

⁷Kephlaktang athengpi lapen kephlak pabiso asonsi, latum nerrepi-heihei atipit akung chehijik-cholo.

⁸Bonta ne nangphan chikibomlo, Keklempet-un ne-Hemphu, nang kerai si ne rilo; nephan pathilongri!

⁹Halatum nephan ketot apham ne neraitha, kehingno keklem atum apham pen.

¹⁰Amethang aphan alangli kehingno abang pachedannang, lapen ne thangthesi damlong-lo.