Read Karbi LUN 143 Bible Online

LUN 143 - Karbi bible

LUN 143

¹HEMPHU, ne kardom arjutha! Nang dhoromipet pen ne kechoningri arjutha; Nang akekroi kethir pen nethaktha!

²Ne, nangban aphan HEMPHU asat paphori;

³Ne hotur nephan nerivung-lo, lapen neparemdet khangjang-lo. La nephan kangtingkuk aphatek arlo nebeng-lo, Lapen ne ke hako kethitang atum asonlo.

⁴Lasi ne keche-oji chesik-lo, ne sungpiksi kedolo.

⁵Kedamtang arni alam ne chemathadamlo, nang keklemtang an akam mathadamlo; nangkam-heihei nening chevang-lo.

⁶Nangphan neri chirungsi ardomlo, kekrengtai alongle asonsi ne karjong nangphan ingit-lo.

⁷Non nephan nethaktha, HEMPHU! Nening kechethe an ingbo-et-lo, Ne pen nang chepaturi, Kalite ne chom kehirdam abang ason plangpo.

⁸Nang kechemitme pin akanghon alam, adapvang nephan pachemathatha, athema nangphansi ne chikilo. Ne kardom nanglong an arludamlo, Ne konatma kedam nangji atovar nepaklangtha.

⁹Kerai kelongjisi ne nanglong damlo, HEMPHU; ne hotur atum pen nepajoktha.

¹⁰Nang ne-Arnam; nangning kehang keklemji nethannon, Nephan chingkimera kejokvan atovarle nejanon,

¹¹Nang kechak atengle nepajoknon HEMPHU; nang chingkimera ne kesung-heihei pen nepajoknon!

¹²Nephan nang kechinghon apot, ne hotur aphan pathi-etnon, pavir-etnon, athema ne nangbanlo.