Read Karbi LUN 144 Bible Online

LUN 144 - Karbi bible

LUN 144

¹Nerai-a-Bang HEMPHU aphan rolo! Alang kechedanji aphan nethanlo.

²Alang nerai a-Bang, lapen ne kechedanpi a-Bang, nechong lapen nepajok a-Bang, alanglongsi kejokji aphan ne chiki, Alangsi det-heihei neber bilo.

³HEMPHU, monit-le kopima nang laphan kelang; monitchot nang laphan kelang chepadukma?

⁴La chethe kevang ephong atomon an-vet-chot. La chethe harchi kedam keprap anchot.

⁵HEMPHU, inghun-asining phlakdak-ra nangsunnon; inglong-heihei otnon lapen lahei amehi thurmonpo.

⁶Sining kebirlak nangtoira nang hotur papratseinon; nangthai-aso nangtoira lahei padamvoinon.

⁷Angsong pen nangchejot-ra, nephan lang karnuk pen nesannon lapen nepajoknon, bang adet ajakong pen nepajoknon.

⁸Latum kaita ahok ningjeje, lapen seme ketang ahut seta pachobeilo.

⁹Lunkemi pen ne nangphan lunji O Arnam, nangphan kumbeleng pen ne lunji.

¹⁰Recho atum aphan nang pahailo, lapen nangban David aphan pajoknon.

¹¹Ne hotur kesedeng atum pen ne pajoktha, latum ahok ningjeje lapen seme ketang ahut seta pachobeilo.

¹²Thengpi-heihei thebomsi kangtangbom asonthot, netum asomar ariso ahut paplangnang. Rechohem ano along alon kepi anujok ason thakthak-le, Netum asopimar atum paplangnang.

¹³Asontin asok pen netum apuru paplengset-nang, Netum ahidi-heihei abiresak suri suri aso paman nang.

¹⁴Netum achainong aso chan pamera paplengset-nang.

¹⁵Lasonthot ahok keplang adet rengme, HEMPHU helo Arnam pu kechingki arat atum rengme!