Read Karbi LUN 148 Bible Online

LUN 148 - Karbi bible

LUN 148

¹HEMPHU aphan ronon! Nangtum akangtui angsong kedo atum an, HEMPHU aphan sining pen ronon.

²La apherangke kedo-an, La sining aron-armu kedo-an alangliphan ronon.

³Chiklo lapen Arni laphan ronon, Keturbong achiklolongso laphan ronon.

⁴Kangtuinei asining-heihei , lapen inghun athak asining-heihei laphan ronon.

⁵Latum kadokave HEMPHU amen aphan parohurnang! Pima Alangli hukum pilo, lapen pinchong-lo.

⁶Alangli hukum pisi lahei pinchong-lo; alangli hukum pen lahei adim kaike chedolo, lapen latum kroimo un-e.

⁷Pirthe pen HEMPHU aphan ronon, talo api lapen talopi aklong kedo-an;

⁸sining ame lapen herai ar-e-kelok lapen inghun-heihei lapen ahukum kekroi atomon-heihei;

⁹Inglong-heihei lapen inglongpi-heihei, thesere athengpi arong lapen ingnam-heihei alangliphan ronon;

¹⁰Pi kedo-an anem kedo lapen marat api, keklim api lapen vo kedo-an.

¹¹Recho atum lapen arat kedo-an, rechoso an lapen akaprek pangribang atum an;

¹²arlosomar lapen pinsomar atum, arlengkesar lapen osomar atum anta alangliphan ropetnon.

¹³Latum kedo-an HEMPHU amen aphan parohurnang! Alangli men ke akaprek apar themulang; Alangli adak-atur ke sining lapen pirthe athak ta do.

¹⁴Alangli methang adet pangtang-lo, ansi alangli rat kedo-an Alangliphan ropo. Israel arat alangli chinghonpik, HEMPHU aphan ronon!