Read Karbi LUN 16 Bible Online

LUN 16 - Karbi bible

LUN 16

¹Neraitha O HEMPHU, kejok kelongji aphan ne nangchikilo.

²Ne HEMPHU aphan pulo, “Nang ne HEMPHU-lo. Akeme amar an ne nang pensi long-lo.”

³HEMPHU aphan kekroithip arat atum ko-an kelangme! Latum penpen kedolong nening ingsamneilo.

⁴Akaprek a-arnam-heihei along kedun atum, amethang aphan ongdung akesung chevanlo. Ne halatum athok kepi along dunde, Halatum a-arnam-heihei aphan ne archoche.

⁵Ne kedo-an nang helo HEMPHU, lapen ne kenangji ason an nang nepilo; nephi akai nangridengsi dolo.

⁶Nang nekepi adan ko-an manghumemepik-loma; lahei ko-an akeme loma!

⁷Ne HEMPHU aphan rolo, pima la nejalo, lapen ajo ahut nening nephan pacheretoilo.

⁸Ne kaita HEMPHU kedo angring long-lo; la nedungsi do, lapen thangta nephan nehijuk un-e.

⁹Lasi ne choropik lapen chehokpik, lapen ne jokvanlo pu chechinilo.

¹⁰Pima nang kethi ajakong pen nephan pajok-lo. Ne nangphan kroithip pen ingduk-lo,

¹¹Nang nephan chethe atovar anat nejapo, nang kedokoksi nephan ningparong-lo, lapen kaike aphan ningkangsam vanlo.