Read Karbi LUN 17 Bible Online

LUN 17 - Karbi bible

LUN 17

¹Ne ahok akangsai aphan kechoningri, ne arjutha, O HEMPHU; ne kerap kehang akechiru nangno chedentha! Ne ahokpet akardom arjutha.

²Nebesi nang ingsaipo, pima kopisi akechok nang chinilo.

³Nang nening chini, ajo si nang nelong vang-lo, nang nephan asat ne-enpamelo; lapen kehingno akar-i ne longledet-lo.

⁴Bang ason ne lamjuno ningjeje, nang hukum ne kroitang-lo; lapen avi kepabu atovar en-edet-lo.

⁵Nangtovarsi ne kaiketa dambomlo, la pen ne suisepinlang.

⁶Ne nangphan ardomlo, O Arnam, pima nang nephan nethak-ji; lasi nenat chetevarra nese arjutha.

⁷Nang manghumeme akanghon paklangra nephan nepajoktha, nanglong nehotur pen jok-long-lo.

⁸Nang kechinghonnei aphan asonle; nephanta nangmek angdenle nebinon,

⁹nephan kechenek atum pen lapen kehingno atum atengkheng pen nerainon. Kepherememe kepathi ahotur atum nekompet-lo.

¹⁰Latum kangjinso avelo lapen chepindak-lo.

¹¹Ne kechetevar aling latum nekompet-lo, nephan nekesanthorjisi asoi cholangding-lo.

¹²Latum hingho asonsi ne inghongding-lo, kangsek-i-jisi inghongding-lo.

¹³Vangnon, HEMPHU! Ne hotur aphan khangnon, lapen latum aphan paremnon! Nang nokjir pen kehingno pen pajoknon.

¹⁴Laso akai aningkehang aling, kelong atum arideng pen nepajoknon. Latum aphan nang kebitang akesung-heihei pen, latum aphan nang adukpinon. Latum asomar aphanta padorphlup-ra bipinon, lapen ahin an aso-asu aphan pinon.

¹⁵Bonta ne nang mahang aphansi cholang-lo, pima ne kechokche klemklelo, lapen ne mek prang-lote nang kedodun apot, nephan ning arong paplengset-po.