Read Karbi LUN 19 Bible Online

LUN 19 - Karbi bible

LUN 19

¹Siningsi Arnam adak-atur paklangdak-lo! Sining-inghun La kopi klemtang-loma pachethang-lo.

²Arnivangta aphi pi plang poma la pachethang-lo, arnivangta puthot arni aphan la gian paklang-lo.

³Alamthe mate alam-heihei ningjeje, arki arjulongle;

⁴seta latum abirta pirthe adang an pachetang, lapen pirthe kejut an parjulo.

⁵Arni aphan sining angsong hem ehum Arnam kimpilo, Aning karong piso kepangriji ariso ason adap nangbarpo, Pathubang ason la kekatji ingtung-lo.

⁶La sining ehin pen cheng-lo, lapen ahin kaprek anat dampo. La angtang pen baduta chepajok un-e.

⁷HEMPHU Aron ke chok-lim la jakong kemi pi. HEMPHU ahukum-heihei chikiklong, abidikave abangphan bidipi.

⁸HEMPHU Aron-heihei chokpet, lapen lahei kekroi atum rengme. HEMPHU ahukum-heihei ahokpet, lahei kaiketa mesen.

⁹HEMPHU aphan man kepi ke kemesen akam la kaike aphan doverpo, HEMPHU akangsai kaike ta ahokpet la kaike aphan dover.

¹⁰Lahei ajukave aser apar memu, lahei ajukave apijo alang apar dokmu.

¹¹Lahei agian pen ne nangban aphan pacherelo; lahei kekroi pen thedung anong-e-long; lake nanglam an karju apot-lo.

¹²Baduta amethang kechokche chethek-longle, nepajoktha, HEMPHU, kepatu akechokche pen!

¹³Kechinilor apap-heihei penta nepajoktha; lahei nephuthak nepangri longri. Anke ne chok-limpo lapen kehingno apap pen jokpo.

¹⁴Nelam lapen ne kematha-heihei nang ingno kedengme atheng paplangnang, HEMPHU ne chepachong adim lapen nepajok a-Bang!