Read Karbi LUN 2 Bible Online

LUN 2 - Karbi bible

LUN 2

¹Kopisi det atum kethurkrapji mang-loma? Kopisi rat atum ale kave kephangnoji mang-loma?

²Latum arecho atum thurlo, latum pangribang atum chelangpetsi, HEMPHU lapen la kangvaitang arecho abe kephangnoji thurlo.

³“Latum kepangri pen eli chepajok-lonang” latum pulo. “Latum kekhang ajakong eli varchor-lonang.”

⁴HEMPHU sining angsong alangli anghoi pen ingnek-lo, lapen halatum ardikave akemang aputhak ingnekchoilo.

⁵Ansi latum aphan La aningkethi pen pacherelo, lapen aning kepung pen latum aphan pacherelo.

⁶“Zaion athak, Ne inglong kangthir,” alangli pulo, “Ne recho akam pek-lo.”

⁷HEMPHU kopisi pachethang-loma? “Ne pachethangpo,” Recho pulo. Alangli neliphan pulo, “Nang Nesolo, pini Ne nangpo plang-lo.

⁸Hangnon lapen khei kedo-an Ne nangpidetpo; pirthe adang nang chepahemphu longpo.

⁹Ingchin achin pen nang latum aphan pangjepo; longle aphule asonsi latum aphan nang beng-i si hijikjampo.”

¹⁰Non la kechere nangji arjutha, nang recho atum; laso akethan charlitha, nang pirthe pangri atum;

¹¹Kephere pen HEMPHU aphan ingduknon; Ningkarong chepaklemhurnon.

¹²La angno klemhur pen ardomnon, kalite la aning thidap-prangsi nang menmen thinangkokpo. La along kechepachongji aphan kedam atum an rengme.