Read Karbi LUN 21 Bible Online

LUN 21 - Karbi bible

LUN 21

¹Recho chehok-lo, O HEMPHU, pima nang laphan jakong pitang-lo; la aning arong-lo, pima nang laphan pahailo.

²Nang laphan aningkehang ason pitang-lo la kechoningri nang thak-lo.

³La along thedung ahirjume pen nang vang-lo, lapen la aphu athak ser aphutup nang bat-lo.

⁴La chethe aphan hang-lo lapen la nang pilo, chethe keding pilo.

⁵Nang kerap apot la adak-atur thepik; nang laphan anong ahir-asang pilo.

⁶Nang hirjume la along kaike doverlo, lapen nang dodunsi ning arong laphan paplengset-lo.

⁷Jakongthenei HEMPHU aphan recho chikilo, lapen Arnam chemitmepin akanghon apot la kaiketa jokvanlo.

⁸Hotur kedo-an aphan recho nep-etpo; laphan kehijim abangphan an la nep-etpo.

⁹La kevang ahut me akar asonsi latum aphan pavir-etpo. La aning thisi HEMPHU latum aphan pavir-etpo; Lapen latum aphan me pacholap-po.

¹⁰Latum aso-asu inutbakta reng-relo. La kadokave aphan rechosi pathilappo.

¹¹Latum mang-lo lapen laphan kepathiji mang-lo, bonta latum chunchedet-lo.

¹²Latum aphan la thai ap-po, lapen latum aphan pachiruisi pakatpo.

¹³Nang jakong kethe apot, netum nangphan rolo, HEMPHU! Netum nangjakong apot lunji lapen roji.