Read Karbi LUN 22 Bible Online

LUN 22 - Karbi bible

LUN 22

¹Ne-Arnam, ne-Arnam, kopisi nang ne-obup-loma? Kerap kelongjisi ne nanghang-lo, bonta la vangvelang.

²Anerlo apor ne nangphan hang-lo ne Arnam, bonta nang nethakthe; ajo ne nangkehang ahut ne sangjoi-longledet-lo.

³Bonta nangke Kangthir a-Bang pusi parcholo, Nang helo Israel atum kero a-Bang-lo.

⁴Nephusar atum nangphansi chikilo, latum chikilo, lapen nang latum aphan pajok-lo.

⁵Latum nangphan nanghang-lo, lapen nang kesung pen latum aphan pajok-lo; latum nang chikilo lapen aning pabibedet-lo.

⁶Bonta inut amonit chot kalidet-lo! Ne ejon ahilong-lo, abangphutin ta hijimsi ingchek-lo!

⁷Kadokave nephan kethek-long an atum nephan chongthuilo; latum ade pachonsi aphu paklemlo.

⁸“Nang HEMPHU aphan chikilo di,” latum pulo, “Kopisi nangphan pajokjedet-lo? HEMPHU jongsi nangphan aningdok pulote, Nangphan la kopisi nangrap-redet-po?”

⁹La nangsi nephan mahang kethek ahut nepajok-lo, lapen ne bihek ahutta nerailo.

¹⁰Ne mahang kethek arni pen ne nangphansi chikilo. Lapen nang kaiketa ne Arnamlo.

¹¹Ne pen kedo chepahelori! Kesung tebok-het, lapen nephan nekerap abang ave.

¹²Chainong alo asonsi ke-ongdung hotur atum nekompet-lo, latum kadokaveta nekompet-lo, Bashan adet akepherememe achainong alo asonlo.

¹³Hingho asonsi latum angho ingkophrong-lo, nenat ingrongsi pasungseng-lo.

¹⁴Nejakong dam-et-lo, longle athak lang kechebu asonsi damphak-lo. Ne reppi kedo-anta chejok-et-lo; Neningke kangjirtang ajo-ir asonlo.

¹⁵Longle aduk asonsi ne-ingham krenghak-lo, lapen ne de ne ingham pen chenirhet-lo. Longle aduk along o-si nang nepathitoilo.

¹⁶Esong kehingno amonit atum nekomchenlo, amethan ehur nedung nekekompet asonlo; latum neri-nekeng sak-lo .

¹⁷Ne reppi kedo-an thek-long-et-lo. Nehotur nephan nelang-lorlo.

¹⁸Latum nepe-neri aputhak khadot pathulo, lapen halatum angbong chethak-lo.

¹⁹O HEMPHU, ne pen kedo chepahelori! Nepajokjile vangseraknon!

²⁰Nokjir pen nepajoknon; lahei amethan pen nepajoknon.

²¹Lahei ahingho pen nepajoknon; lahei achai angno nerap abang avelo .

²²Nang kopima keklem ne rat aphan thanpo, halatum akechingrum along ne nangphan nangropo;

²³“Laphan ronon, nang HEMPHU aban atum! Laphan man pinon nang Jakob asomar atum, Laphan archonon, nang Israel arat atum.

²⁴La keduk aphan langle pupe mate halatum akesung mathathe pupe; la halatum pen suise.”

²⁵Kechingrum along nang keklemtang apot, ne nangphan roji; nangphan karcho atum angno ne kechechak athok pipo.

²⁶Aninghang an keduk atum chopo, HEMPHU along kevang atum an laphan roji. Latum kaiketa pachingthurnang!

²⁷Kadokave adet aso atum HEMPHU aphan chemathapo. Pirthe ahintin pen latum Alanglilong dampo. Kadokave akhei atum laphan archopo.

²⁸HEMPHU ke Recho, lapen la det-heihei pangrilo.

²⁹Ane kethe atum an la angno angphun patongkipo. Kadokave kethitang amonit an, la angno angphun patongkipo.

³⁰Aphi a-ove atum laphan ingdukpo, aphi a-ove aphan monit atum HEMPHU alam thanbompo.

³¹Mahang kethekthelang arat aphan thandetpo, “HEMPHU arat aphan pajok-lo.”